'बिग बॉस मराठी ५'चा विजेता गुलीगत किंग सूरज चव्हाण लवकरच बाबा होणार आहे. अलिकडेच सूरजची मानलेली बहिण आणि अभिनेत्री जान्हवी किल्लेकर हिने एक व्हिडीओ शेअर करून ही आनंदाची बातमी चाहत्यांना दिली होती. सूरजच्या लग्नापासून ते आता संजनाच्या डोहाळे जेवणापर्यंत जान्हवी कायमच सूरजसोबत पाहायला मिळाली. सूरज चव्हाण आणि संजना आता लवकरच पालक होणार आहेत. अशात संजनाचा मॅटर्निटी फोटोशूटचा व्हिडीओ समोर आला आहे.

सूरच्या बायकोचे मॅटर्निटी फोटोशूट

डोहाळे जेवणानंतर सूरजच्या बायकोचे मॅटर्निटी फोटोशूट थाटामाटात पार पडले आहे. makeover_by_adiii या इन्स्टाग्राम पेजवर संजनाच्या मॅटर्निटी फोटोशूटचा व्हिडीओ शेअर करण्यात आला आहे. मॅटर्निटी फोटोशूटसाठी संजनाने सुंदर गुलाबी रंगाचा गाऊन परिधान केला आहे. ती जणू परी वाटत आहे. मोकळे केस, हेवी मेकअप आणि डोक्यावर फुलांचा टिआरा घालून तिने हा लूक पूर्ण केला आहे.

व्हिडीओत संजाना फुलांची उधळण करताना, बेबी बंप फ्लॉन्ट करत चालताना आणि खास पोज देताना दिसत आहे. नेटकरी या व्हिडीओवर भरभरून कमेंट करत आहे. दोघांना शुभेच्छा देत आहेत. संजनाच्या हातात घड्याळ आणि गळ्यात छोटे मंगळसूत्र दिसत आहे. मिनिमल ज्वेलरी घालून तिने हा लूक पूर्ण केला आहे. तसेच हातावर तिने मेहंदी देखील काढली आहे.

सूरज चव्हाण लव्ह स्टोरी

सूरज चव्हाणचे लव्ह मॅरेज आहे. त्याने आपल्या चुलत मामांची मुलीसोबत म्हणजेच संजनासोबत लग्नगाठ बांधली. गुलीगत किंग सूरज चव्हाण आणि संजना २९ नोव्हेंबर २०२५ लग्न बंधनात अडकले. त्याचा शाही विवाह सोहळा बारामतीत पार पडला.