Bigg Boss Marathi 4: बिग बॉस मराठीच्या चौथ्या पर्वाचा कोण विजेता होणार याची बरीच चर्चा सध्या सोशल मीडियावर होत आहे. आज बिग बॉसचा अखेरचा दिवस असणार आहे. बिग बॉसच्या घरातील एकूण एक स्पर्धकाची सर्वच ठिकाणी कमालीची चर्चा होत होती. ज्या क्षणाची आपण गेल्या अनेक दिवसांपासून आतुरतेने वाट पाहत होतो. अखेर तो क्षण अगदीच जवळ आला आहे.

गेल्या ९९ दिवसांपासून आपण बिग बॉस मराठीचा खेळ मोठ्या आवडीने पाहत आलो आहोत. या सीजनमधील विजेत्याचं नाव समोर यायला आता फक्त अवघे काही तासच शिल्लक राहिले आहेत. विजेत्या स्पर्धकाला या दिमाखदार सोहळ्यात ट्रॉफी दिली जाते.

बिग बॉसच्या चौथ्या सिझनचा विजेता कोण असणार याबद्दल सध्या सर्वत्र तर्क वितर्क लावले जात असतानाच खुद्द शोचे होस्ट महेश मांजरेकर यांनी आता विनर कोण असणार याबद्दल मोठी हिंट दिली आहे.

सध्या घरात एकूण पाच स्पर्धक आहेत. अपूर्वा नेमळेकर, अमृता धोंगडे, अक्षय केळकर, किरण माने आणि राखी सावंत. या ग्रँड फिनाले शोचा सध्या प्रोमो सोशल मीडियावर प्रचंड व्हायरल होत आहे. यात सर्व स्पर्धक आपल्या खास नृत्य शैलीने सोहळ्याला रंगत आणताना दिसणार आहेत.

सोशल मीडियावर शेअर करण्यात प्रोमोमध्ये महेश मांजरेकर म्हणतात, मित्रानो १०० दिवसांची चटरफटर आज संपणार आहे आणि अवघ्या काही तासांतच या सीझनचा विनर आपल्याला मिळणार आहे. या सिझनचा विनर मिळणार असं म्हणताच अपुर्वा नेमळेकर आपल्याला समोर दिसत आहे. त्यामुळे आता या सीझनची विनर अपूर्वा नेमळेकर असेल असा अंदाज सध्या प्रेक्षक सोशल मीडियावर लावत आहेत.

बिग बॉसच्या घरात अपूर्वा नेमळेकरनेच ट्रॉफी जिंकावी अशी चाहत्यांची सोशल मीडियावर चर्चा होत आहे. अपूर्वाच्या समर्थनार्थ मुंबईतील अनेक नाक्यांवर तिचे बॅनर लावण्यात आले आहे. बिग बॉसच्या घरातील पहिली टॉप 5 मधील स्पर्धक अपुर्वा नेमळेकरच होती. अपूर्वा बिग बॉसच्या घरात तिकीट टू फिनाले मिळवून थेट टॉप 5 मध्ये गेली.