Bollywood Star Kids: बॉलिवूड सेलिब्रिटींची मुलं कोणाला डेट करतायेत? लिस्टमध्ये दिग्ग्ज कलाकारांच्या मुलांचा समावेश

सुहाना खान आणि अगस्त्य नंदा

बॉलिवूडचा सुपरस्टार शाहरुख खानची मुलगी आणि बिग बी अमिताभ बच्चन अगस्त्य नंदा अनेकदा एकत्र स्पॉट झाले आहेत. त्यामुळे ते दोघे डेट करत असल्याच्या बातम्या समोर येत आहेत. सुहाना आणि अगस्त्य त्यांच्या आगामी 'द आर्चीज' चित्रपटातून पदार्पण करणार आहेत. हा चित्रपट यावर्षी OTT वर प्रदर्शित होणार आहे.

जान्हवी कपूर आणि शिखर पहारिया

बॉलिवूड अभिनेत्री श्रीदेवीची मोठी मुलगी जान्हवी कपूर देखील तिचा कथित बॉयफ्रेंड शिखर पहारियासोबत आजकाल अनेकदा स्पॉट झाली आहे. जान्हवी आणि शिखर यापूर्वीही रिलेशनशिपमध्ये होते. दोघांचे ब्रेकअप झाले असले तरी त्यांचे वारंवार दिसणं यावरून ते दोघे पुन्हा एकदा डेट करत आहेत, असा अंदाज आहे. शिखर पहारिया महाराष्ट्राचे माजी मुख्यमंत्री सुशील कुमार शिंदे यांचा नातू आहे.

आर्यन खान आणि नोरा फतेही

शाहरुख खानचा मोठा मुलगा आर्यन खान देखील सध्या त्याच्या डेटींगमुळे चर्चेत आहे. अशी चर्चा आहे की, आर्यन खान बॉलिवूड अभिनेत्री आणि डान्सर नोरा फतेहीला डेट करत आहे. काही दिवसांपूर्वी दोघे दुबईमध्ये एका पार्टीत एकत्र एन्जॉय करताना दिसले होते. त्यानंतर दोघे एकमेकांना डेट करत असल्याचे बोलले जात आहे.

सारा अली खान आणि शुभमन गिल

अमृता सेन आणि सैफ अली खान मुलगी अभिनेत्री सारा अली खान सध्या भारतीय क्रिकेटर शुभमन गिलला डेट करत असल्याची चर्चा आहे. दोघेही एका रेस्टॉरंटमध्ये एकत्र दिसले होते. तेव्हापासून ते दोघे डेट करत असल्याच्या अफवा जोर धरू लागल्या आहेत. यापूर्वी सारा अली खानचे नाव अभिनेता कार्तिक आर्यनसोबत जोडले गेले होते. कार्तिक आणि सारा याविषयी कधीच बोलले नाहीत. क्रिकेटपटू शुभमन गिल याआधी सचिन तेंडुलकरची मुलगी सारा तेंडुलकर हिला डेट करत असल्याची चर्चा होती.

इब्राहिम खान आणि पलक तिवारी

सैफ अली खानचा मुलगा इब्राहिम खान आणि टीव्हीची प्रसिद्ध अभिनेत्री श्वेता तिवारीची मुलगी पलक तिवारी डेट करत असल्याच्या अफवा समोर आल्या आहेत. इब्राहिम आणि पलक अनेकदा एकत्र दिसले आहेत. तसेच पापाराझींचे फोटो आणि व्हिडिओ क्लिक करत असताना पलक तिचा चेहरा लपवताना दिसली आहे. त्यामुळे दोघांच्या डेटिंगच्या बातम्या पसरत आहेत.