Apurva Nemlekar New Film: बिग बॉस मराठी ४ फेम अपूर्वा नेमळेकर सध्या आपल्या आगामी चित्रपटामुळे बरीच चर्चेत आहे. नुकतीच तिने आपल्या सोशल मीडिया अकाऊंटवरून व्हिडीओ शेअर करत माहिती दिली आहे. अपूर्वा नेमळेकर ‘रावरंभा’ या चित्रपटात ऐतिहासिक पात्र साकारत आहे.

बिग बॉस मराठीचे ४ पर्व संपल्या नंतर अपूर्वा कोणत्या चित्रपटात दिसणार? याची सर्वांनाच उत्सुकता होती. तिने सोशल मीडियाच्या माध्यमातून व्हिडीओ शेअर करत माहिती दिली. अपूर्वा ‘रावरंभा’ या मराठी चित्रपटातून पुन्हा एकदा प्रेक्षकांचं मनोरंजन करण्यासाठी सज्ज झाली आहे. इन्स्टाग्रामवर व्हिडीओ शेअर करत ही गुड न्यूज आपल्या चाहत्यांना दिली आहे.

नुकताच ‘रावरंभा’ चा टीझर सोशल मीडियावर शेअर करण्यात आला असून टीझर चाहत्यांना फारच आवडला आहे. चित्रपटात एक अनोखी प्रेम कहाणी पाहायला मिळणार आहे. चित्रपटाच्या प्रमोशनला नुकतीच सुरुवात झाली असून चित्रपटाच्या टीमने नुकताच साताऱ्यात एका कार्यक्रमाला हजेरी लावली होती. हा चित्रपट १२ मे ला संपूर्ण महाराष्ट्रात प्रदर्शित होणार असून चित्रपटात प्रमूख भूमिकेत अपूर्वा नेमळेकरसह शंतनू मोघे, अशोक समर्थ, मोनालिसा बागल हे कलाकार आहेत.

अपूर्वा नेमळेकर ‘बिग बॉस मराठी ४’ या रिॲलिटी शो मध्ये दिसली असून ‘रात्रीस खेळ चाले’ मधून शेवंताच्या रूपाने अवघ्या महाराष्ट्राला भारावून टाकले होते.