Jay Dudhane Expensive Bag Stolen From Car: ‘बिग बॉस मराठी ३’ मधून प्रकाशझोतात आलेला जय दुधाणे सध्या एका वेगळ्याच कारणामुळे चर्चेत आला आहे. जयची महागातली बॅग त्याच्या कारमधून चोरट्यांनी लंपास केली आहे. ही घटना सोमवारी (१० जुलै) रोजी रात्री घडलेली आहे. चोरट्यांनी कारची काच फोडून बॅग चोरून फरार झाले आहेत. जयने घडलेल्या घटनेची माहिती सोशल मीडियावरून चाहत्यांना दिली आहे. त्याने सोशल मीडियावर स्टोरी शेअर करत माहिती दिली आहे.

जयने सोशल मीडियावर शेअर केलेल्या फोटोत कारची काच फोडलेली दिसून येत आहे. जयने त्याच्या चाहत्यांना त्याची तब्येत व्यवस्थित असल्याची माहिती त्याने दिली आहे. जय म्हणतो, “मित्रांनो, माझी तब्येत व्यवस्थित असून माझ्या तब्येतीची चौकशी केल्याबद्दल धन्यवाद. माझ्या कारची कोणीतरी काच फोडलीय. आणि तिथून माझी महागडी बॅग लंपास केली आहे. तुम्ही तुमची कार पार्क करताना, सावध राहा.” असं जय म्हणाला आहे.

एका इंग्रजी संकेतस्थळाला दिलेल्या माहितीनुसार, जयने त्याची कार पार्किंग स्लॉटमध्ये उभी केली होती. कार पार्क करून तो त्याच्या कामासाठी गेला. कामाला गेल्यानंतर चोरट्याने त्याच्या कारची काच फोडून बॅग लंपास केली आहे. या प्रकरणानंतर जयने आपल्या चाहत्यांना कार पार्किंग स्लॉटमध्ये पार्क करताना, सतर्क राहण्याचे आवाहन केले. जयने त्याच्या फोडलेल्या कारचा फोटो शेअर करताना स्टोरीला,‘ग्लास डाऊन’ असं कॅप्शन दिले आहे.

जयने शेअर केलेल्या फोटोमध्ये, त्याच्या कारच्या काचेचा चुराडा झालेला दिसून येत आहे. काचेचे सर्व बारीक बारीक तुकडे कारच्या काही सीटवर आणि सीट खाली पडलेले दिसत आहे.

दरम्यान, सेलिब्रिटींच्या कारमधील महत्वाचे कागदपत्रे, बॅग आणि गाडीची नासधूस करणं ही काही पहिली वेळ नाही. यापूर्वी देखील अनेक सेलिब्रिटींच्या गाडीची तोडफोड केली आहे. निया शर्मा आणि कौशांक अरोरा यांच्यासोबत अनेक हिंदी टेलिव्हिजन अभिनेत्यांच्या कारमधून बॅग चोरीला गेल्या आहेत. जयच्या कामाबद्दल बोलायचे तर, ‘बिग बॉस मराठी ३’ मधून जय ठाकरे चर्चेत आला होता. तो त्या शोचा उपविजेता ठरला आहे. सोबतच तो ‘वेडात मराठे वीर दौडले सात’ या चित्रपटात देखील प्रमुख भूमिका साकारणार आहे.