'बिग बॉस २०'मध्ये या आठवड्यात 'वीकेंड का वार' चांगलाच रंगला. सलमान खानने घरातील सदस्यांना खास सरप्राइज दिले. घरात दोन वाइल्ड कार्ड स्पर्धकांची एन्ट्री झाली आहे, ज्यामुळे सदस्यांना मोठा धक्का बसला आहे. शनिवारी घरात वाइल्ड कार्ड स्पर्धक म्हणून टीव्हीचा प्रसिद्ध अभिनेता मनीष गोयलची एन्ट्री झाली. तर रविवारी सोशल मीडिया स्टार घरी आला आहे.

'बिग बॉस २०' च्या घरात दुसरा वाइल्ड कार्ड स्पर्धक म्हणून सोशल मीडिया इन्फ्लुएन्सर नकुल धुलने एन्ट्री घेतली आहे. इन्स्टाग्रामवर त्याचे १० लाखांहून अधिक फॉलोअर्स आहेत. आता नकुल धुल आणि मनीष गोयल घरात कोणता राडा घालणार, कसा गेम खेळणार हे सर्वच पाहणे महत्त्वाचे ठरणार आहे. अधिच घरात अनेक गट झालेले पाहायला मिळत आहे. नकुल-मनीष कोणता गेम प्लान आखणार हे पाहणे मनोरंजक ठरणार आहे.

नकुल धुल कोण आहे?

मीडिया रिपोर्टनुसार, नकुल धुल हा हरियाणातील एक सोशल मीडिया इन्फ्लुएन्सर आणि कंटेंट क्रिएटर आहे. तो 'मिट्ठू डॉन' या नावाने ओळखला जातो.विनोद, मीम्स, भाष्य (commentary) असलेल्या आपल्या व्हिडिओंमुळे त्याने ऑनलाइन जगात १० लाख फॉलोअर्स पेक्षा जास्त मोठा चाहतावर्ग निर्माण केला आहे. तो यूट्यूब आणि इंस्टाग्रामसारख्या लोकप्रिय सोशल मीडिया प्लॅटफॉर्मवर आपला कंटेंटपोस्ट करतो.मात्र, अलिकडेच त्याचा महिलांविषयीचे विधान असलेले व्हिडिओ सोशल मीडियावर मोठ्या प्रमाणावर व्हायरल झाला, ज्यामुळे नकुल चर्चेत आला आहे.

'बिग बॉस २०' हा शो जिओ हॉटस्टार आणि कलर्स टीव्हीवर पाहायला मिळतो. या 'वीकेंड का वार'मध्ये अमन गांधीची एक लाइफलाइन जाते. येणाऱ्या 'वीकेंड का वार'मध्ये घरातील कोणता सदस्य निरोप घेणार पाहणे महत्त्वाचे आहे. 'बिग बॉस २०' च्या घरात १६ स्पर्धकांनी एन्ट्री घेतली होती. त्यातील रोहेद खान , ईशा रिखी, रिती तिवारी घराबाहेर पडले.