'बिग बॉस 19'चा (Bigg Boss 19) गेम दिवसेंदिवस रंगतदार होत जात आहे. पहिल्या दिवसापासून घरात भांडणे पाहायला मिळत आहेत. नुकतीच 'बिग बॉस 19'च्या घरात नॉमिनेशन प्रक्रिया पार पडली आहे. घरातील पाच सदस्य नॉमिनेट झाले आहेत. नॉमिनेशन टास्कमध्ये देखील सदस्यांना खूप राडा घातला. कुनिका सदानंदने मृदुल तिवारीला नॉमिनेट केले.

मृदुल तिवारी-कुनिका सदानंद भांडण

कुनिका सदानंद मृदुल तिवारीला नॉमिनेट करते. कुनिका मृदुलला 'बिन पींडी का लोटा' म्हणते. तेव्हा मृदुल तिवारी उत्तर देत म्हणतो की, "तुमच्या सोबत जो राहणार, तुमच्या पुढे-मागे करणार तो तुमच्यासाठी चांगला आहे. मी तुमची किंवा इतरांची कोणाची चमचागिरी करणार नाही." मृदुल तिवारीचे हे वाक्य ऐकताच घरातील सर्वजण जोरजोरात टाळ्या वाजवायला लागतात. नॉमिनेशन टास्कमध्ये 5 फेऱ्या होत्या. ज्यातून 5 स्पर्धक नॉमिनेट झाले.

पाच स्पर्धक नॉमिनेट

• अवेज दरबार

• मृदुल तिवारी

• कुनिका सदानंद

• तान्या मित्तल

• अमाल मलिक

दुसऱ्या आठवड्यात 'बिग बॉस 19'च्या घरातून कोण बाहेर जाणार, हे पाहणे मनोरंजक ठरणार आहे. तसेच सलमान खान कोणाची शाळा घेणार आणि कोणाचे कौतुक करणार हे पाहण्यासाठी प्रेक्षक उत्सुक आहेत. नॉमिनेट झालेले सदस्य स्वतःला सुरक्षित करण्यासाठी कसा गेम खेळतात आणि बिग बॉसच्या घरात अजून कोणता राडा-भांडणे होणार हे पाहणे महत्त्वाचे ठरणार आहे.

'बिग बॉस 19' कुठे पाहाल?

सलमान खानचा (Salman Khan) 'बिग बॉस 19' शो सोमवार ते रविवार रात्री 9 वाजता जिओ हॉटस्टार आणि रात्री 10:30 वाजता कलर्स टिव्हीवर पाहायला मिळते.