'बिग बॉस 19'च्या (Bigg Boss 19) घरी नुकताच नॉमिनेशन टास्क पार पडला आहे. यामध्ये देखील घरातील सदस्य एकमेकांना सुनावताना दिसले. हा बिग बॉसचा तिसरा आठवडा सुरू आहे. दोन आठवडे बिग बॉसच्या घरातून एकही सदस्य बाहेर पडला नाही. त्यामुळे तिसऱ्या आठवड्याच्या नॉमिनेशनकडे ( Third Week Elimination) प्रेक्षकांचे लक्ष लागून आहे.

नॉमिनेशन टास्क काय?

एलिमिनेशन टास्कमध्ये दोन सदस्य 19 मिनिटांसाठी वेगवेगळ्या ठिकाणी बसतात. सर्व घरातील सदस्यांच्या जोड्या बनवण्यात आल्या. या टास्कमध्ये मुलीला आरशासमोर मेकअप रूममध्ये बसावले आणि मुलाला स्कूटरवर बसून 19 मिनिटे मोजायला सांगितली. घरातील सदस्यांना असा टास्क देण्यात आला होता की, कोणतीही जोडी परफॉर्म करत असेल तर त्यांना त्रास देऊ विचलित करण्याचा प्रयत्न करा.

नॉमिनेशन टास्कदरम्यान सदस्यांनी एकमेकांच्या वैयक्तिक आयुष्यावर खूप टीका-टिपण्या केल्यामुळे काहींना राग अनावर झाला तर काही सदस्य भावुक झाले. नॉमिनेशन टास्कमध्ये कुनिका सदानंद तान्या मित्तलला बोलते की, "तुझ्या आईने तुला काहीही शिकवले नाही..." ज्यामुळे तान्या मित्तलला खूप वाईट वाटते. अभिषेक अवेज दरबार आणि नगमा मिरजकरसाठी मोजणी करत होता. टास्कच्या शेवटी घरातील 4 सदस्या नॉमिनेट झाले आहेत.

'बिग बॉस'च्या घरातील 4 सदस्य नॉमिनेट

• अवेज दरबार

• नगमा मिरजकर

• मृदुल तिवारी

• नतालिया जानोस्जेक

दोन आठवड्यांपासून 'बिग बॉस 19' मधून कोणताही स्पर्धक बाहेर पडलेला नसल्यामुळे मीडिया रिपोर्टनुसार, तिसऱ्या आठवड्यात दोन सदस्य नॉमिनेट होणार असल्याचे बोले जात आहे. या आठवड्यात डबल एलिमिनेशनचा घरातील सदस्यांना मोठा धक्का बसणार आहे.