'बिग बॉस 19' (Bigg Boss 19 ) सुरू होण्यासाठी आता काही तास उरले आहेत. स्पर्धकांसाठी 'बिग बॉस 19'चे घर सज्ज झाले आहे. नुकतीच 'बिग बॉस 19'च्या घराची पहिली झलक दाखवण्यात आली आहे. येथील सौंदर्य आणि भव्यता पाहून तुमचे डोळे चक्रावतील. 'बिग बॉस 19'चे होस्टिंग बॉलिवूडचा भाईजान सलमान खान करणार आहे. 'बिग बॉस 19' च्या आलिशान आणि स्टायलिश घराचा व्हिडीओ समोर आला आहे.

'बिग बॉस 19'ने शेअर केलेल्या व्हिडीओमध्ये घर खूपच रंगीबेरंगी दिसत आहे. डोळ्यांना भावणाऱ्या रंगाचा येथे वापर करण्यात आला आहे. या व्हिडीओला हटके कॅप्शन देण्यात आले आहे. कॅप्शनमध्ये लिहिलं की, "इंतेजार खतम...बिग बॉस हाऊस है तयार, अब देखना है की, क्या खूब चलेगी यहाँ घरवालों की सरकार..." सध्या 'बिग बॉस 19'च्या घराची झलक पाहून चाहते कमेंट्सचा वर्षाव करत आहेत.

कसं आहे 'बिग बॉस 19'चं घर?

व्हिडीओमध्ये तुम्हीला किचन, लॉन, लिव्हिंग एरिया पाहायला मिळत आहेत. तसेच स्टायलिश बेडरूम, जिम, स्विमिंग पूल आणि वॉश एरिया दिसत आहे. सर्वात जास्त भांडणे ज्या भागात होतात तो किचन एरिया खूप मोठा आणि सुंदर सजवला आहे. संपूर्ण घरात पक्षी-प्राण्यांची सजावट पाहायला मिळत आहे. 'बिग बॉस' चे घर खूपच कलरफुल दिसत आहे. प्रत्येक ठिकाणी वेगवेगळ्या थीम पाहायला मिळत आहेत. 'बिग बॉस' च्या घराचे इंटिरियर पाहून तुमचेही डोळे दिपतील. येथे सुंदर जिम एरिया देखील पाहायला मिळत आहे.

'बिग बॉस 19' कुठे पाहता येणार?

सलमान खानचा 'बिग बॉस 19' शो 24 ऑगस्टपासून रात्री 9 वाजता जिओ हॉटस्टार आणि रात्री 10:30 वाजता कलर्स टिव्हीवर पाहायला मिळणार आहे. 'बिग बॉस 19'ची यंदाची थीम राजकारणावर आधारित आहे.