Bigg Boss 19 Winner: छोट्या पडद्यावरील प्रसिद्ध आणि तितकाच वादग्रस्त रियालिटी शो 'बिग बॉस 19'चा धमाकेदार ग्रँड फिनाले नुकताच पार पडला. होस्ट सलमान खानने बिग बॉस 19च्या विनरची घोषणा केली. बिग बॉस 19ला विनर मिळाला असून या शोची ट्रॉफी गौरव खन्नाने आपल्या नावावर केली आहे. तर, फरहाना भट्ट या शोची उपविजेती ठरली आहे. बिग बॉस 19 ला गौरव खन्ना, तान्या मित्तल, प्रणित मोरे, फरहाना भट्ट आणि अमाल मलिक हे पाच फायनलिस्ट मिळाले होते.

बिग बॉस 19 च्या प्रेक्षकांनी या पाच सदस्यांना खूप चांगली पसंती दिली. पण बिग बॉस विनरच्या शर्यतीमधून सुरूवातीला अमाल मलिक बाहेर पडला. अमालच्या पाठोपाठ तान्या मित्तल, प्रणित मोरे देखील या शर्यतीतून बाहेर पडले. गौरव खन्ना आणि फरहाना भट्ट यांच्यामध्ये बिग बॉस 19 ची ट्रॉफी जिंकण्यासाठी अटीतटीची लढत झाली. अखेर गौरव खन्नाने ही ट्रॉफी आपल्या नावावर केली.

बिग बॉस 19 चा ग्रँड फिनाले खूपच रंगतदार झाला. यावेळी बिग बॉसच्या घरातील पाचही फानलिस्टने जबरदस्त डान्स परफॉर्मन्स दिले. बिग बॉस 19 च्या पाचही फानलिस्टच्या चाहत्यांना त्यांना आवडत असलेल्या स्पर्धकाने या शोची ट्रॉफी जिंकावी असे वाटत होते.

विनरची ट्रॉफी जिंकण्यासाठी गौरव खन्ना आणि फरहाना भट्ट हे आमने-सामने आले. शेवटी या शोची टॉफी गौरव खन्नाने जिंकली. या शोच्या ट्रॉफी सोबत गौरव खन्नाला 50 लाख रुपयांचा चेक आणि बिग बॉस १९ ची ट्रॉफी बक्षीस स्वरुपात मिळाली आहे.