बॉलिवूडचा भाईजान सलमान खान होस्ट करत असलेला रिअ‍ॅलिटी शो 'बिग बॉस 19'चा सध्या ग्रँड फिनाले सुरू आहे. गेली तीन महिने 'बिग बॉस 19' (Bigg Boss 19 Grand Finale ) प्रेक्षकांचे मनोरंजन करत होते. अखेर आज ग्रँड फिनालेचा दिवस आला आहे. 'बिग बॉस 19' हा धमाकेदार गेम 24 ऑगस्टला सुरू झाला. घरात 16 स्पर्धकांनी एन्ट्री घेतली आणि आता बिग बॉसला टॉप 5 फायनलिस्ट भेटले आहेत. यंदा बिग बॉसच्या घराची थीम 'घरवालों की सरकार' अशी होती.

'बिग बॉस 19'च्या खेळातून एका स्पर्धकाचा पत्ता कट झाला आहे. बिग बॉसला टॉप 4 स्पर्धक मिळाले आहेत. बिग बॉसच्या घरातून बाहेर पडलेला सदस्य दुसरा - तिसरा कोणी नसून अमाल मलिक आहे. अमाल मलिकने आपल्या सुरेल आवाजाने बिग बॉसचे घर मंत्रमुग्ध केले. सुरुवातीपासून अमाल मलिक बिग बॉसच्या घरातील एक स्ट्राँग स्पर्धक होता. घरात असताना त्याची आणि तान्या मित्तलची सुरुवातीला खूप छान मैत्री झाली. मात्र काही काळानंतर त्यांच्या मैत्रीत दुरावा आला. शहबाज आणि अमाल मलिकची मैत्री शेवटपर्यंत पाहायला मिळाली.

बिग बॉस टॉप 4 स्पर्धक

• गौरव खन्ना

• प्रणित मोरे

• फरहाना भट्ट

• तान्या मित्तल

'बिग बॉस 19' च्या घरातील सदस्य

'बिग बॉस 19' च्या घरात एक 16 सदस्य होते. तान्या मित्तल, गौरव खन्ना, प्रणित मोरे, फरहाना भट्ट, अमाल मलिक, अशनूर कौर, झिशान कादरी, अवेज़ दरबार, नगमा मिरजकर, नेहल चुडासामा, बसीर अली, अभिषेक बजाज, नतालिया जानोस्झेक, नीलम गिरी, कुनिका सदानंद, मृदुल तिवारी या कलाकारांचा समावेश होता. तर या स्पर्धेत दोन वाइल्ड कार्ड स्पर्धक देखील आले. ज्यांची नावे शहबाज बदेशा आणि मालती चाहर आहे.

'बिग बॉस 19'चा ग्रँड फिनाले कुठे पाहाल?

सलमान खानचा शो 'बिग बॉस 19' चा ग्रँड फिनाले आज (7 डिसेंबर 2025) रात्री 9.00 वाजल्यापासून सुरू आहे. ग्रँड फिनाले तुम्हाला जिओ हॉटस्टारवर आणि कलर्स टीव्हीवर पाहायला मिळत आहे. 'बिग बॉस 19'ची ट्रॉफी कोण उचलणार याकडे सर्वांचे लक्ष लागून आहे.