Monalisa Dream Come True:

भोजपुरी अभिनेत्री मोनालिसाची एक पोस्ट सोशल मीडियावर मोठ्या प्रमाणात व्हायरल होत आहे. मोनालिसाने पोस्ट शेअर करून तिच्या चाहत्यांना आनंदाची बातमी दिली आहे. मोनालिसाने सांगितले की, तिने तिचे आणखी एक स्वप्न पूर्ण केले आहे.

तिने आपलं स्वतःच नवीन घर घेतलं आहे. मोनालिसाने 5 बेडरूमचा अपार्टमेंट खरेदी केला आहे. पोस्ट शेअर करून तिने आपल्या घराची पहिली झलकही दाखवली आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

'बिग बॉस 10' फेम मोनालिसाने तिच्या इन्स्टाग्रामवर पती विक्रांत सिंग राजपूतसोबतचे काही फोटो पोस्ट केले आहेत. तिने कॅप्शनमध्ये लिहिले की, ''आणखी एक स्वप्न पूर्ण झाले आहे. देवाचे आभार. गणपती बाप्पा मोरया.''  (Latest Marathi News)

यासोबत मोनालिसाने कॅप्शनमध्ये हॅशटॅग न्यू होम, हॅशटॅग स्वीट होम, हॅशटॅग 5 बीएचके, हॅशटॅग स्वप्ने खरे आणि हॅशटॅग बिग हाउस ड्रीम, असे लिहिले. मोनालिसाने ही पोस्ट शेअर केल्यापासून तिच्या पोस्टवर अभिनंदनाचा वर्षाव होत आहे.

मोनालिसाने तिच्या नवीन घराची एक छोटीशी झलक दाखवली आहे. अभिनेत्रीने शेअर केलेल्या फोटोमध्ये तिच्या घराच्या मंदिरात गणपतीची मूर्ती दिसत आहे. तसेच घराची चावी तिच्या पायाजवळ ठेवलेली दिसत आहे. मोनालिसाच्या घराची ही चावी खूप खास आहे. या चावीवर मोनालिसा आणि विक्रांत यांची नावे लिहिली आहेत. तिच्या पोस्टमध्ये मोनालिसाने काही सेल्फी देखील पोस्ट केल्या आहेत. ज्यात घरासोबत तिचे स्मितहास्य असलेला फोटो आहे.