सध्या बॉक्स ऑफिसवर पुष्पा भाऊचा जलवा पाहायला मिळत आहे. 'पुष्पा 2' (Pushpa 2: The Rule) चित्रपट 5 डिसेंबरला रिलीज झाला. पहिल्या दिवसापासून चित्रपटाने बंपर कमाई केली आहे. आता ख्रिसमसच्या मुहूर्तावर वरुण धवनचा 'बेबी जॉन' (Baby John) चित्रपट रिलीज झाला आहे. वरुणची चित्रपटातील ॲक्शन चाहत्यांना खूप आवडली आहे.

बॉलिवूड अभिनेता वरुण धवनचा 'बेबी जॉन' 25 डिसेंबरला ख्रिसमसच्या मुहूर्तावर रिलीज झाला. चित्रपटाने पहिल्या दिवशी बंपर कमाई केली. मात्र दुसऱ्या दिवसापासून चित्रपटाच्या कलेक्शनमध्ये घसरण पाहायला मिळाली आहे. या चित्रपटात सलमान खान चा कॅमिओ देखील पाहायला मिळाला आहे.

'बेबी जॉन' बॉक्स ऑफिस कलेक्शन डे 4

वरुण धवनचा (Varun Dhawan ) 'बेबी जॉन' चित्रपट 180 कोटींच्या बजेटमध्ये तयार झाला आहे. पहिल्याच दिवशी चित्रपटाने 11.25 कोटींची ओपनिंग केली आहे. दुसऱ्या दिवशी 4.75 कोटी आणि तिसऱ्या दिवशी 3.65 कोटी कमावले आहे. या चित्रपटाने चौथ्या दिवशी 4.25 कोटी रुपयांची कमाई केली आहे. आतापर्यंत चित्रपटाने 23.90 कोटी रुपयांचे कलेक्शन (Baby John Box Office Collection Day 4) केले आहे.

'बेबी जॉन' चित्रपटात वरुणसोबत कीर्ती सुरेश आणि वामिका गब्बी हे स्टार देखील पाहायला मिळत आहे. 'बेबी जॉन' हा ॲक्शन चित्रपट आहे. 'बेबी जॉन'चित्रपटाचे निर्माते अ‍ॅटली आहेत.'बेबी जॉन' हा चित्रपट साऊथच्या 'थेरी' चित्रपटाचा हिंदी रिमेक आहे. रविवारी तरी हा चित्रपट बॉक्स ऑफिसवर आपली जादू दाखवेल का? याकडे प्रेक्षकांचे लक्ष लागून आहे.