Apoorva Mukhija: सोशल मीडिया इन्फ्लुएन्सर आणि कंटेंट क्रिएटर अपूर्वा मुखीजा म्हणजेच ‘द रेबेल किड’ पुन्हा एकदा चर्चेत आली आहे. तिचा एक जुना व्हिडीओ सध्या सोशल मीडियावर मोठ्या प्रमाणात व्हायरल होत असून त्यातील एका वक्तव्यामुळे नव्या वादाला तोंड फुटले आहे.

व्हायरल होत असलेल्या या व्हिडीओमध्ये अपूर्वा कास्टिंग काउच आणि मनोरंजन क्षेत्रातील तडजोडीबद्दल बोलताना दिसते. या व्हिडिओमध्ये ती विनोदी आणि सारकॅस्म वापरत म्हणाली की, “एखाद्या छोट्या भूमिकेसाठी किंवा २- ३ रुपयांसाठी मी कोणत्याही प्रकारची तडजोड करणार नाही. मात्र जर एखादा दुबईचा शेख 10 ते 15 कोटी रुपये देत असेल, तर त्याबाबत विचार करू शकते.' हे वक्तव्य आता सोशल मीडियावर पुन्हा चर्चेत आले आहे.

याच व्हिडीओमध्ये अपूर्वाने एका कास्टिंग डायरेक्टरसोबत झालेल्या संवादाचाही उल्लेख केला आहे. तिने सांगितले की, एका व्यक्तीने कामाच्या निमित्ताने संपर्क साधला होता. पण, त्याच्यासोबत बोलताना मला तो व्यक्ती बरोबर नाही वाटला मी चेहऱ्यावरुन दाखवलं नाही पण मी स्वतःचा नंबर न देता मॅनेजरचा नंबर दिला.

प्रणित मोरेच्या शो मधील झालेल्या ३७० बिर्याणी आणि मृतदेहाच्या मस्करीनंतर हा व्हिडीओ पुन्हा व्हायरल झाल्यानंतर सोशल मीडियावर मोठ्या प्रमाणात कमेंट येत आहेत. काही जणांनी हे वक्तव्य विनोदाच्या स्वरूपात घेतले असून तिने आताची बॉलिवूडची खरी परिस्थिती सांगितली असे म्हटले आहे. तर, काहींनी असे स्टेटमेंट करताना अधिक विचार केला पाहिजे असे मत व्यक्त केले.