Janhvi Kapoor And Rihanna Dance Viral Video

सध्या सोशल मीडियासह सर्वत्र प्रसिद्ध उद्योगपती अनंत अंबानी यांच्या साखरपुड्याची चर्चा होत आहे. मुकेश अंबानी आणि नीता अंबानी यांचा छोटा मुलगा उद्योगपती अनंत अंबानी आहे. अनंत आणि राधिका यांचा प्री- वेडिंग सोहळा गुजरातमधील जामनगरमध्ये सुरू आहे.

प्री-वेडिंग इव्हेंटला कालपासून सुरूवात झाली असून हा प्री- वेडिंग सोहळ ३ मार्चपर्यंत चालणार आहे. अनंत आणि राधिकाच्या प्री- वेडिंग इव्हेंटसाठी फक्त भारतातीलच नाही तर, विदेशातील अनेक प्रसिद्ध व्यक्तींनी उपस्थिती लावली आहे. (Bollywood)

अनंत- राधिकाच्या प्री- वेडिंग सोहळ्यामध्ये, जगप्रसिद्ध पॉप स्टार रिहाना हिची जोरदार चर्चा सुरू आहे. सध्या रिहानाचे प्री- वेडिंग इव्हेंटमधील अनेक व्हिडीओ व्हायरल होत आहेत. अशातच इन्स्टाग्रामवर एक व्हिडीओ जोरदार व्हायरल होत आहे. एका व्हायरल व्हिडीओमध्ये, रिहाना आणि जान्हवी कपूर एका मराठी गाण्यावर जोरदार ठेका धरताना दिसत आहेत. २०१६ मध्ये रिलीज झालेल्या ‘झिंगाट’ गाण्यावर रिहाना आणि जान्हवी कपूरने जोरदार ठेका धरला होता. हा व्हिडीओ खुद्द जान्हवीने तिच्या इन्स्टाग्राम अकाऊंटवर शेअर केलेला आहे. (Bollywood News)

जान्हवी कपूरने शेअर केलेल्या या व्हिडीओमध्ये जान्हवी आणि रिहाना ‘झिंगाट’ गाण्यावर जबरदस्त डान्स करताना दिसत आहेत. या दोघींच्या मागे अंबानींची होणारी सून राधिका मर्चंटसह इतरत्र लोकंही ‘झिंगाट’वर डान्स करताना दिसत आहे. हा व्हिडीओ शेअर करताना जान्हवी कपूरने कॅप्शन दिले की, “This woman is a goddess. stop it goodbye.” रिहाना आणि जान्हवी कपूरचा हा व्हिडीओ अवघ्या काही तासांत जोरदार व्हायरल होत आहे. (Social Media)

अनंत अंबानी आणि राधिका मर्चंटच्या प्री-वेडिंग लग्नसोहळ्याला अमिताभ बच्चन, रजनीकांत, अक्षय कुमार, शाहरुख खान, जगप्रसिद्ध गायिका रिहाना, डेव्हिड ब्लेन, अरिजित सिंह, दिलजीत दोसांझ, मराठमोळे गायक अजय-अतुल, आमिर खान, सलमान खान, सैफ अली खान, माधुरी दीक्षित, रणवीर सिंह, दीपिका पदुकोण, रणबीर कपूर, आलिया भट्ट, विक्की कौशल, कतरिना कैफ असे अनेक सेलिब्रिटी उपस्थित आहेत. त्यासोबतच उद्धव ठाकरे व त्यांचे कुटुंबीय आणि उपमुख्यमंत्री देवेंद्र फडणवीस यांच्या पत्नी अमृता फडणवीसही उपस्थित आहेत. प्री-वेडिंगनंतर १२ जुलैला या दोघांचा शाही विवाहसोहळा मुंबईत पार पडणार आहे. (Entertainment News)