अत्यंत शाही आणि "न भूतो न भविष्यति" अशा पद्धतीने शुक्रवारी (१२ जुलै) अनंत अंबानी आणि राधिका मर्चंट यांचा विवाहसोहळा पार पाडला. गेल्या अनेक दिवसांपासून त्यांच्या लग्नाची सोशल मीडियावर जोरदार चर्चा होत आहे. साखरपुडा, दोन प्री- वेडिंग, संगीत, मेहंदी आणि हळद अशा वेगवेगळ्या कार्यक्रमांतून त्यांच्या लग्नाची जोरदार चर्चा झाली. अशातच सध्या सोशल मीडियावर लग्नातील काही व्हिडिओ व्हायरल होत आहेत. सप्तपदी घेतल्यानंतर राधिका आणि अनंत यांनी एकमेकांना वचन दिलेय. वचन घेतानाचे काही व्हिडिओ सध्या सोशल मीडियावर तुफान व्हायरल होत आहे.

अनंत अंबानी आणि राधिका मर्चंट हिंदू विवाह प्रथेनुसार लग्नगाठ बांधली आहे. सप्तपदी घेत अग्नीला साक्षी ठेऊन त्यांनी एकमेकांना वचन दिले आहेत. वचन घेतानाचे काही फोटो- व्हिडिओ सध्या सोशल मीडियावर व्हायरल होत आहे. वचन घेतानाचा व्हिडिओ 'व्होम्पला' नावाच्या इन्स्टा चॅनलवरून व्हिडिओ व्हायरल झाला आहे. "लव्ह, धर्म, परिवार, देश आणि जग" असं कॅप्शन देत त्यांनी व्हिडिओ शेअर केलेला आहे.

वचन घेताना राधिका म्हणाली, "घर म्हणजे फक्त एक राहण्याचं ठिकाण म्हणून नाही तर तिथे प्रेम आणि भावनाही असेल. त्या आपल्या घरात प्रेम आणि भावनाही असेल."

तर वचन घेताना अनंत म्हणाला, "राधिका, मी श्री कृष्णाचा आशीर्वाद घेऊन वचन घेतो की, आपण दोघंही एकत्र आपल्या स्वप्नातलं घर बांधूया. आपलं घर म्हणजे चार भिंतींची रुम नसेल. आपण जिथे राहू तिथे कायम प्रेमाचा वर्षाव होईल. आपले घर सदैव प्रेमाने भरलेलं असेल." असं वचन दोघांनीही एकमेकांना दिला आहे. सध्या हा व्हिडिओ इन्स्टाग्रामवर तुफान व्हायरल होत असून त्यांचे कौतुक केले जात आहे.

अनंत- राधिकाचा हा तीन दिवसांचा लग्नसोहळा असून आज शेवटचा दिवस आहे. आजच्या दिवशी रिसेप्शन इव्हेंट असेल. लग्नासाठी आणि शुभ आशीर्वाद या कार्यक्रमासाठी विविध क्षेत्रातील अनेक दिग्गज मंडळी उपस्थित होते. यावेळी राज्यासह देशातील अनेक महत्वाचे राजकीय मंडळी या सोहळ्याला उपस्थित होते. यावेळी लग्नाला अभिनेते अमिताभ बच्चन, सलमान खान आणि माधुरी दीक्षितसह बॉलिवूडसह हॉलिवूड सेलिब्रिटींनी कार्यक्रमाला हजेरी लावली.