बहुप्रतीक्षित 'अल्फा' चित्रपट अखेर काल (३ जुलै २०२६) ला रिलीज झाला आहे. 'अल्फा' आलिया भट्टचा ॲक्शन, थ्रिलर चित्रपट आहे. या चित्रपटात आलिया भट्टसोबत बॉलिवूड अभिनेत्री शर्वरी वाघ देखील झळकली आहे. चित्रपट रिलीज झाल्यावर प्रेक्षकांनी सोशल मीडियावर चित्रपटाचे रिह्यू शेअर केले. YRF च्या 'स्पाय युनिव्हर्स'मधील हा सातवा चित्रपट दोन महिलांभोवती फिरतो.

'अल्फा' बॉक्स ऑफिस कलेक्शन

Sacnilk च्या रिपोर्टनुसार, 'अल्फा' चित्रपटाने रिलीजच्या पहिल्या दिवशी ओपनिंग डे ला (शुक्रवारी) ७,५३४ शोमधून ९.०० कोटी रुपयांची नेट कमाई केली. यामुळे भारतातील एकूण ग्रॉस कमाई १०.८० कोटी रुपये झाली आहे.परदेशात या चित्रपटाने ५.०० कोटी रुपयांची ग्रॉस कमाई केली असून, त्यामुळे त्याची जगभरातील एकूण ग्रॉस कमाई १५.८० कोटी रुपयांवर पोहोचली आहे.

'अल्फा' चित्रपटात आलिया भट्ट आणि शर्वरी वाघसोबत बॉबी देओल आणि अनिल कपूर देखील महत्त्वाचा भूमिकेत झळकले आहेत. बॉबी देओल चित्रपटात खलनायकाच्या भूमिकेत आहेत, तर अनिल कपूर 'अल्फा' मुलींचे सहाय्यक म्हणून दिसतात. तसेच चित्रपटात हृतिक रोशनची 'कॅमिओ' देखील पाहायला मिळत आहे. प्रेक्षक आलिया भट्ट आणि शर्वरी वाघच्या ॲक्शन मोडचे कौतुक करताना दिसत आहेत.

YRF स्पाय युनिव्हर्समधील मागील चित्रपटांच्या तुलनेत 'अल्फा'ला खूपच कमी ओपनिंग मिळाली. या फ्रँचायझीचा आधीचा चित्रपट 'वॉर २'ने (हृतिक रोशन आणि ज्युनियर एनटीआर ) पहिल्याच दिवशी ५२ कोटी रुपयांची नेट कमाई केली होती. शाहरुख खानच्या 'पठाण'ने ५७ कोटी रुपयांची बंपर कमाई केली होती.