Alia Bhatt Post : बॉलिवूडचे प्रसिद्ध पॉवर कपल आलिया भट्ट आणि रणबीर कपूर यांनी नुकतीच थायलंडमध्ये सुट्टी एन्जॉय केली. या कपलने मुलगी राहा, परिवार आणि मित्रांसोबत नवीन वर्षाचे स्वागत केले. आलियाने तिच्या सुट्टीदरम्यान तयार केलेल्या सुंदर आठवणी सोशल मीडियावर शेअर केल्या करत 2025 हे वर्ष प्रेम आणि करियर बाबत सुखकर असो अशी प्रार्थना केली आहे.

नवीन वर्षाचे स्वागत

ख्रिसमसनंतर, बॉलिवूड सेलेब्स त्यांच्या हॉलिडे फोटो सोशल मीडियावर पोस्ट करत आहेत. आलिया आणि रणबीर देखील नवीन वर्षाच्या आधी थायलंडला गेले होते, जिथे त्यांनी आपल्या प्रियजनांसोबत वेळ घालवला. 2 जानेवारी रोजी आलियाने तिच्या इंस्टाग्रामवर तिच्या सुट्टीतील सुंदर क्षणांची झलक शेअर केली. त्याने लिहिले, “2025: जिथे प्रेम पुढे जाते बाकी सर्व काही त्यानंतर असते... !! सर्वांना नवीन वर्षाच्या शुभेच्छा.”

सुंदर आठवणींची एक झलक

आलियाच्या पोस्टची सुरुवात तीन लोकांच्या सुंदर फोटोने होते.ज्यामध्ये रणबीर कपूर आलियाला किस करतो, तर राहा कॅमेऱ्याकडे बघत हसत आहे. यानंतर एका फोटोत राहा तिची आई आलियासोबत आकाशाकडे पाहत आहे.

त्यानंतर आणखी एक व्हिडीओ देखील आलिया भट्टने पोस्ट केला आहे. ज्यामध्ये आलिया हिरव्यागार शहरात सायकल चालवताना दिसत आहे. तसेच, क्रूझवर सूर्यास्त पाहताना तिचा आणि राहा रणबीरचा फोटो चाहत्यांना आवडत आहे. आलियाच्या कुटुंबातील इतर सदस्य जसे की शाहीन भट्ट, सोनी राजदान, नीतू कपूर आणि अयान मुखर्जी देखील या फोटो आणि व्हिडिओंमध्ये दिसत आहेत.