Alia Bhatt and Raha Kapoor : अभिनेता रणबीर कपूर आणि अभिनेत्री आलिया भट्ट यांनी त्यांच्या कुटुंबासह 2025 च्या नवीन वर्षाचे थायलंडमध्ये स्वागत केले. त्यांच्या सुट्टीशी संबंधित अनेक फोटो आणि व्हिडिओ सध्या सोशल मीडियावर व्हायरल होत आहेत. अलीकडे, नीतू कपूरने तिच्या इंस्टाग्राम स्टोरीवर एक फोटो शेअर केला आहे, ज्यामध्ये तिची सून आलिया आणि नात राहा एका सुंदर सूर्यास्ताचा अनुभव घेताना दिसत आहेत.
नीतू कपूरने इंस्टाग्रामवर शेअर केलेल्या फोटोत आलिया भट्टच्या मांडीवर मुलगी राहा झोपलेली दिसत आहे. दोघे बोटीवर बसले आहेत आणि आलियाने चष्मा लावला आहे. सूर्यास्ताच्या सुंदर पार्श्वभूमीवर हे दृश्य शांतता आणि प्रेमाने परिपूर्ण होते, जे प्रत्येकाच्या हृदयाला स्पर्श करते. हा फोटो पाहून चाहते नववर्षीच्या सुरवातीलाच मायलेकी ट्रेंडींग आहेत अशा कमेंट करत आहेत.
रिद्धिमा कपूरने तिच्या कुटुंबासोबतचा एक सुंदर फोटो शेअर केला आहे
कपूर कुटुंबातील सदस्य रिद्धिमा कपूर साहनी हिनेही तिच्या थायलंड सहलीचा एक सुंदर कौटुंबिक फोटो इंस्टाग्रामवर पोस्ट केला आहे. या फोटोत आलिया आणि रणबीर कपूर एकमेकांच्या शेजारी उभे राहून हसत आहेत, तर रणबीरने मुलगी राहा हिला उचलून घेतले आहे. कपूर कुटुंबीयांचा हा फोटो सोशल मीडियाला मोहा प्रमाणात व्हायरल होत आहे.
दुसऱ्या व्हिडीओमध्ये, रणबीर कपूर 2025 च्या स्वागतासाठी फटाक्यांची आतषबाजी करत असताना त्याच्या हातात ड्रिंक घेतलेला दिसत होता. घड्याळात मध्यरात्री वाजल्याबरोबर रणबीरने आलियाकडे धाव घेतली आणि तिला मिठी मारली आणि नवीन वर्षाचे स्वागत केले. कुटुंबातील हा सुंदर आणि रोमँटिक क्षण खूप मनोरंजक होता.
रणबीर आणि आलियाच्या नवीन चित्रपटांची प्रतीक्षा आहे
करिअरबद्दल बोलायचे झाले तर रणबीर कपूर आणि आलिया भट्ट दोघेही विक्की कौशलसोबत संजय लीला भन्साळी यांच्या ‘लव्ह अँड वॉर’ या चित्रपटात काम करण्यास तयार आहेत. चित्रपटाची निर्मिती सुरू आहे आणि 20 मार्च 2025 रोजी चित्रपटगृहांमध्ये प्रदर्शित होणार आहे. त्याच वेळी, रणबीर कपूर देखील नितीश तिवारीच्या आगामी दोन भागांच्या रामायण चित्रपटाचा काम करत आहे, ज्यामध्ये साई पल्लवी, यश आणि सनी देओल सारख्या मोठ्या व्यक्तींचा समावेश आहे. चित्रपटाचे दोन्ही भाग 2026 आणि 2027 मध्ये दिवाळीच्या आसपास प्रदर्शित होतील. शर्वरीसोबत आलिया भट्टही तिच्या आगामी अल्फा चित्रपटात दिसणार आहे. याशिवाय आलिया चामुंडा नावाच्या हॉरर-कॉमेडी प्रोजेक्टसाठी दिनेश विजनसोबत चर्चा करत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.