Adipurush Trailer Is Trending On Social Media: प्रभास आणि क्रितीचा बहुचर्चित आणि बहुप्रतीक्षित आदिपुरुष चित्रपटाचे ट्रेलर काल प्रदर्शित झाला आहे. मुंबईमध्ये चित्रपटाच्या हिंदी ट्रेलर लाँच मोठा सोहळा पार पडला. या सोहळ्या चित्रपटातील कलाकार आणि दिग्दर्शक उपस्थित होते.

आदिपुरुष चित्रपटाच्या ट्रेलरची सुरुवात मंगल भवन अमंगल हारी या गीताने होते. चित्रपटाच्या ट्रेलरला चांगला प्रतिसाद मिळत आहे. तर सध्या या चित्रपटाच्या ट्रेलरची सर्वत्र चर्चा सुरू आहे. (Latest Entertainment News)

आदिपुरुष चित्रपटाचा ट्रेलर टी सिरीजच्या ऑफिशल युट्युब चॅनल वर शेअर करण्यात आले आहे. या ट्रेलरला प्रेक्षकांचा उत्तम प्रतिसाद मिळत आहे. एका दिवासात या चित्रपटाच्या ट्रेलरने ५० मिलियन व्ह्युजचा टप्पा पार केला आहे. २७ तासात या चित्रपटाने ५ कोटी, ३० लाखाहून अधिक व्ह्यूज मिळाले आहेत. आदिपुरुष चित्रपाचा ट्रेलर सध्या सोशल मीडियावर ट्रेंड करत आहे.

चित्रपटाच्या सुरुवातीला चित्रपटाचा विरोध करण्यात आला होता. कलाकारांचे फर्स्ट लुक पाहून त्यांना ट्रोल करण्यात आले होते. तसेच व्हीएफक्सवर देखील प्रेक्षक नाराज होते. परंतु निर्माते आणि दिग्दर्शक यांनी संपूर्ण चित्रपटावर काम करून एक दमदार ट्रेलर प्रेक्षकांच्या भेटीला आणला आहे, ज्याचे सर्वत्र कौतुक होत आहे.

आदिपुरुष चित्रपट १६ जूनला प्रदर्शित होणार आहे. या चित्रपटामध्ये प्रभास-क्रिती व्यतिरिक्त देवदत्त नागे आणि सनी सिंह मुख्य भूमिकेत आहेत. तर चित्रपटाच्या हिंदी व्हर्जनमधील प्रभास म्हणजे रामाला शरद केळकर यांनी आवाज दिल आहे. ज्याचे सगळीकडे कौतुक होत आहे.

आदिपुरुष चित्रपटाचा अधिकृत ट्रेलर प्रदर्शित होण्याआधी ट्रेलर लीक झाला होता. मात्र लगेचच कारवाई हे व्हिडिओ सोशल मीडियावरून हटविण्यात आले होते. ट्रेलरमधील काही सीन रेकॉर्ड करून त्याच्या क्लिप सोशल मीडियावर व्हायरल करण्यात आल्या होत्या.