Tejaswini Pandit : मराठी चित्रपटसृष्टी आणि मालिकाविश्वातील लोकप्रिय नाव असलेल्या ज्येष्ठ अभिनेत्री ज्योती चांदेकर यांचं शुक्रवारी १६ ऑगस्ट २०२५ रोजी पुण्यात अल्पशा आजारानं निधन झालं. वयाच्या ६९ व्या वर्षी त्यांनी अखेरचा श्वास घेतला. त्यांच्या निधनाची बातमी समोर आल्यानंतर संपूर्ण मराठी मनोरंजनविश्वात शोककळा पसरली.

अंत्यसंस्काराची वेळ आणि ठिकाण

त्यांचा अंत्यविधी शनिवारी १७ ऑगस्ट रोजी सकाळी ११ वाजता पुण्यातील नवपेठ येथील वैकुंठ स्मशानभूमीमध्ये करण्यात आला. या वेळी अनेक मनसे प्रमुख राज ठाकरेंसह अनेक मान्यवर, कलाकार, कुटुंबीय आणि चाहत्यांची मोठ्या संख्येने उपस्थिती होती.

तेजस्विनी पंडितचा भावनिक क्षण

ज्योती चांदेकर यांच्या मुली आणि अभिनेत्री तेजस्विनी पंडित यांनी आईचे अंतिम संस्कार स्वतः पार पाडले. मुखाग्नी देतानाचा तो क्षण उपस्थितांसाठी हृदय हेलावून टाकणारा ठरला. तेजस्विनीने पूर्ण धैर्य एकवटून अंत्यसंस्कार विधी केला, मात्र आईला मुखाग्नी देतानाचा तिच्या अश्रूंचा बांध फुटला आणि ढसाढसा रडू लागली. त्या क्षणी तिच्यासोबत उपस्थित असलेले अनेक कलाकार आणि नातेवाईकांनाही अश्रू अनावर झाले.

कलाकारांचा ओघ

मराठी रंगभूमी, मालिका आणि चित्रपटसृष्टीत ज्योती चांदेकर यांनी आपला वेगळा ठसा उमटवला होता. त्यामुळे अंत्यविधीला अनेक कलाकार, दिग्दर्शक, निर्माते आणि सहकारी जमले होते. काहींनी थेट पुण्यात येऊन श्रद्धांजली वाहिली तर काहींनी सोशल मीडियावरून त्यांना आदरांजली अर्पण केली.