Bollywood Actor Passes Away: बॉलिवूड आणि टीव्ही जगतातील प्रसिद्ध निर्माते, दिग्दर्शक आणि अभिनेता धीरज कुमार यांचे वयाच्या ८०व्या वर्षी मुंबईतील कोकिलाबेन धीरूभाई अंबानी रुग्णालयात हृदयविकाराच्या झटक्याने निधन झाले. काही दिवसांपासून त्यांची प्रकृती ठीक नव्हती आणि त्यांना रुग्णालयात दाखल करण्यात आले होते.

धीरज कुमार यांनी आपल्या करिअरची सुरुवात १९६५ मध्ये केली होती. त्यांनी ‘स्वामी’, ‘रातों का राजा’, ‘हेरा फेरी’ यांसारख्या चित्रपटांमध्ये अभिनय केला होता. अभिनयाबरोबरच त्यांनी दूरदर्शन म्हणजेच छोट्या पडद्यावरही आपला ठसा उमठवला.

१९८६ मध्ये त्यांनी ‘क्रिएटिव्ह आय लिमिटेड’ नावाची प्रोडक्शन कंपनी सुरू केली. या बॅनरअंतर्गत त्यांनी ‘ओम नमः शिवाय’, ‘श्री गणेश’, ‘जय संतोषी माँ’, ‘शोभा सोमनाथ की’ यांसारख्या लोकप्रिय धार्मिक मालिकांची निर्मीती आणि दिग्दर्शन केले होते.

धीरज कुमार हे एक कुशल निर्माते, संवेदनशील दिग्दर्शक आणि समर्पित कलाकार होते. त्यांच्या निधनामुळे टीव्ही आणि फिल्म इंडस्ट्रीमध्ये हळहळ व्यक्त केली जात आहे.