- Ramu Dhakne

Chhatrapati Sambhajinagar :

दोन मित्रांच्या धर्मांतर प्रकरणी छत्रपती संभाजीनगर येथे पाेलिसांनी एका विदेशी युवकास अटक केली. ओसामा अली युसुफ अहमद असे युवकाचे नाव आहे. त्यास पोलिसांनी न्यायालयात हजर केला असता न्यायालयाने 23 डिसेंबरपर्यंत त्याला पोलीस कोठडीत ठेवण्याचे आदेश दिले. (Maharashtra News)

पाेलिसांनी दिलेल्या माहितीनूसार ओसामा अली युसुफ अहमद हा सुदान देशातील आहे. शहरातील हडको भागातील दहावीत शिकणाऱ्या दोन मित्रांना त्याने घरी बाेलावले हाेते. त्यांना तेथे त्याने कोंडून ठेवले.

या दाेघांनी पाेलिसांना दिलेल्या माहितीनूसार ओसामा अली युसुफ अहमद याने त्यांना इस्लाम धर्मात बळजबरी धर्मांतरण करण्याचा प्रयत्न करू लागला. आम्ही घाबरलाे. सावधगिरी बाळगत तेथून पळ काढला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान दाेघांनी थेट पोलिस ठाणे गाठत सगळा प्रकार कथित केला. त्यानंतर पाेलिसांनी ओसामा अली युसुफ अहमद याच्यावर गुन्हा दाखल केला. त्याच्याककडून दोन बंद मोबाईल आणि धार्मिक साहित्यासह त्याचा पासपोर्ट जप्त केल्याची माहिती पाेलिसांनी दिली. त्याशिवाय त्याचे कॉल डिटेल्स, इंटरनेटचा वापर आणि बँकेची माहिती याचा खोलवर तपास करण्यात येत आहे.

काॅलेजला गेलाच नाही

ताे शिक्षणासाठी छत्रपती संभाजीनगर शहरात सन 2022 दरम्यान आला आहे. शहरातील मौलाना आझाद महाविद्यालयात त्याने प्रवेशही घेतला परंतु एकही दिवस ताे कॉलेजमध्ये गेला नाही अशी माहिती पाेलिसांना प्राप्त झाली.

Edited By : Siddharth Latkar