Wardha Latest Crime News : वर्धा जिल्हा हा दारूबंदी जिल्हा आहे.येथे दारू तस्करीसाठी विविध शक्कल लढविली जातं असल्याचं अनेकदा समोर आलेय. आरोपीची आयडिया मात्र जास्त दिवस टिकत नाहीत. पोलिसांच्या तपासात सत्य समोर येतेच. अशातच आता चक्क दुधाच्या कॅनमधून दारूची वाहतूक करत असल्याचं समोर आले. पोलिसांनी त्याला बेड्या ठोकल्या आहेत. वर्धा येथीलस्थानिक गुन्हे शाखेच्या पथकाने एका व्यक्तीला अटक केली. तो दुधाच्या कॅनमधून दारुची वाहतूक करत होता.

ही कारवाई कळंब ते वर्धा मार्गावर नाकाबंदीदरम्यान रात्रीच्या सुमारास करण्यात आली. पोलिसांनी दुचाकीसह १ लाख २९ हजारांचा मुद्देमाल जप्त केला. प्रशांत रामेश्वर कोंबे (४२, रा. साठोडा) असे अटक आरोपीचे नाव आहे.

पोलिस पथक देवळी परिसरात गस्त घालत असताना यवतमाळ जिल्ह्यातून दारूची तस्करी होणार असल्याचे समजले. पोलिसांनी कळंब ते वर्धा मार्गावर नाकाबंदी केली असता मोटारसायकल (क्र. एमएच ३२ एल ३७६३) येताना दिसली. पोलिसांनी पाहणी केली असता आरोपी प्रशांत मोटरसायकलचे दोन्ही बाजूला दूध वाटपाकरिता वापरण्यात येणाऱ्या कॅनमध्ये विदेशी दारूचा माल बाळगून त्याची अवैधरीत्या विक्रीकरिता वाहतूक करताना आढळून आला. त्याने हा दारूसाठा कळंब येथील मनीष जैयस्वाल याच्या वाइन शॉपीतून खरेदी केल्याचे सांगितल्याने मनीष जैस्वाल याच्याविरुद्ध गुन्हा दाखल केला.

ही कारवाई स्थानिक गुन्हे शाखेचे पोलीस निरीक्षक विनोद चौधरी यांच्या मार्गदर्शनात पोलिस उपनिरीक्षक अमोल लगड, मनोज धात्रक, अरविंद येनुरकर, अभिषेक नाईक, विनोद कापसे, मकेश ढोके यांनी केली. पोलिसांनी जिल्हाभर