उत्तर प्रदेशच्या देवरियामध्ये गे रिलेशनशिप आणि बलात्काराची भयंकर घटना समोर आली आहे. एका तरुणाच्या गे पार्टनरने त्याच्या चिमुकल्या मुलीवर बलात्कार केला. या घटनेची माहिती मिळताच संतापलेल्या मुलीच्या वडिलांनी गे पार्टनरचा प्रायव्हेट पार्टच कापून टाकला. या घटनेमुळे उत्तर प्रदेशमध्ये खळबळ उडाली आहे.

मिळालेल्या माहितीनुसार, ही घटना उत्तर प्रदेशच्या देवरियाच्या खुखुंदू पोलिस ठाण्याच्या हद्दीत घडली. याठिकाणी एका सहा वर्षांच्या मुलीसोबत बलात्कार करण्यात आल्या. पीडित मुलीच्या वडिलांच्या गे पार्टनरनेच हे भयंकर कृत्य केले. रामबाबू यादव असे आरोपीचे नाव आहे. आरोपीचे पीडित मुलीच्या वडिलांसोबत गेल्या अनेक महिन्यांपासून समलैंगिक संबंध होते. पीडित मुलीच्या वडिलांना जेव्हा आपल्या मुलीवर बलात्कार झाल्याची गोष्ट कळाली तेव्हा त्याने गे पार्टनरचा प्रायव्हेट पार्ट कापला.

पीडित मुलगी आपल्या कुटुंबीयांसोबत खुखुंदू भागामध्ये राहते. याठिकाणीच भाड्याने आरोपी रामबाबू राहतो. पीडित मुलीचे घर आणि रामबाबू घर शेजारी आहे. त्यामुळे पीडित मुलीच्या वडिलांची रामबाबूसोबत ओळख झाली. त्या दोघांना एकमेकांवर प्रेम झाले. दोघांमध्ये समलैंगिक संबंध होते. मंगळवारी रात्री रामबाबूने पीडित मुलीवर बलात्कार केला. घटनेची माहिती मिळताच पोलिसांनी घटनास्थळी धाव घेत आरोपीला अटक केली. पोलिसांनी आरोपीची चौकशी केली असता त्याने पीडित मुलीच्या वडिलांसोबत समलैंगिक संबंध असल्याचे सांगितले.

पीडित मुलीच्या वडिलांना जेव्हा माहिती पडले की त्याच्या गे पार्टनरने आपल्या मुलीवर बलात्कार केला. तेव्हा त्याने चाकूच्या सहाय्याने रामबाबूचा प्रायव्हेट पार्ट कापला. त्याचसोबत त्याला मारहाण देखील केली. जखमी अवस्थेत पोलिसांनी आरोपीला रुग्णालयात दाखल केले. त्याची प्रकृती गंभीर असल्यामुळे त्याला पुढील उपचारासाठी गोरखपूर मेडिकल कॉलेजमध्ये हलवण्यात आले. तर दुसरीकडे पीडित मुलीचे देखील मेडिकल करण्यात आले आहे. पोलिस सध्या या घटनेचा तपास करत आहेत.