उल्हासनगरात १५-२० जणांच्या टोळीने साजिद शेख याची हत्या केली.
साजिद आणि रोहित पासी यांच्यात पूर्वीचे वाद असल्याने ही घटना घडली.
गरोदर पत्नीने मृतदेह ताब्यात घेण्यास नकार दिला आहे, सर्व आरोपी अटकेत येईपर्यंत ती वाट पाहणार.
पोलीसांनी दोन आरोपींना अटक केली असून अधिक तपास सुरू आहे.
अजय दुधाणे, साम प्रतिनिधी
उल्हासनगरात किरकोळ भांडणाच्या वादातून १५ ते २० जणांनी मिळून एका तरुणाची हत्या केल्याची घटना घडलीये. साजिद शेख असं हत्या झालेल्या तरुणाचं नाव असून याप्रकरणी उल्हासनगर पोलिसांनी गुन्हा दाखल करत २ आरोपींना बेड्या ठोकल्या आहेत. मात्र सर्व आरोपींना पोलीस पकडत नाहीत, तोपर्यंत साजिदचा मृतदेह ताब्यात घेणार नाही, असं म्हणत साजिदच्या गरोदर पत्नीने टाहो फोडला आहे.
उल्हासनगर कॅम्प १ मध्ये राहणारा साजिद शेख आणि रोहित पासी यांच्यात पूर्वीच्या भांडणाचे वाद होते. हे वाद मिटवण्यासाठी ते १ ऑगस्ट रोजी सायंकाळी कॅम्प १ च्या साईबाबा मंदिर परिसरात भेटले, पण तिथे त्यांचे वाद मिटण्याऐवजी अजूनच वाढले. यानंतर रात्री अडीचच्या सुमारास साजिदच्या एका मित्राला रोहित पासी आणि त्याचा साथीदारप्रवीण उज्जीनवाल याने अडवलं आणि साजिदला फोन करून तिथे येण्याचं आव्हान दिलं.
त्यामुळं साजिद हा मित्रांना सोडवण्यासाठी तिथे जाताच तिथे असलेल्या १५ ते २० जणांच्या टोळीने साजिदवर चाकूने वार करत त्याची हत्या केली आणि तिथून पसार झाले. ही सगळी घटना सीसीटीव्हीत कैद झाली. याप्रकरणी उल्हासनगर पोलिसांनी हत्येचा गुन्हा दाखल करत रोहित पासी आणि प्रवीण उज्जीनवाल या दोघांना बेड्या ठोकल्या.
मात्र पोलिसांनी सर्व आरोपींना अटक करावी, तोपर्यंत मी साजिदचा मृतदेह ताब्यात घेणार नाही, अशी भूमिका घेत साजिदच्या पत्नीनं टाहो फोडलाय. त्यामुळं आता पोलिसांच्या भूमिकेकडे सर्वांचं लक्ष लागलंय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.