आग्रा जिल्ह्यातील रुनकता परिसरातून एक धक्कादायक आणि अंगावर काटा आणणारी घटना समोर आलीये. कौटुंबिक वाद, संशय यामुळे पत्नीचे पत्नीचा प्रायव्हेट पार्ट चाकूने कापल्याची थरारक घटना घडलीये. मुख्य म्हणजे हा सर्व प्रकार रस्त्यावर घडला आहे. या प्रकरणातील पीडित युवक हा मूळचा एटा जिल्ह्यातील सकीट भागातील रहिवासी आहे.

हा तरूण सध्या सिकंदरा इथल्या रुनकता परिसरात भाड्याच्या घरात होता. तो बूट कारखान्यात काम करत असून त्याने पोलिसांना दिलेल्या माहितीनुसार, त्याला काही दिवसांपासून पत्नीच्या वर्तनावर संशय येत होता. पत्नीचं घर मालकाच्या ओळखीतील टिंकू नावाच्या तरुणाशी अनैतिक संबंध असल्याचा त्याने आरोप केला आहे. या गोष्टीला पतीने विरोध केल्यावर पत्नी नाराज झाली आणि काही दिवसांपूर्वीच ती घर सोडून दुसऱ्या ठिकाणी राहायला गेली.

2 एप्रिलच्या रात्री घडली थरारक घटना

पीडिताने सांगितल्याप्रमाणे, 2 एप्रिलच्या रात्री सुमारे 11 वाजता तो भाजी मंडईजवळून जात असताना अचानक तीन जणांनी त्याची पत्नी, तिचा कथित प्रियकर टिंकू आणि घर मालक या तिघांना अडवलं. सुरुवातीला तिघांनी त्याच्याशी वाद विवाद करून शिवीगाळ केली. त्यानंतर हे प्रकरण मारहाणीपर्यंत पोहोचलं.

या दरम्यान, पत्नीने चाकूने त्याच्या गुप्तांगावर हल्ला केल्याचा गंभीर आरोप त्याने केला आहे. गंभीर जखमी अवस्थेत तो रस्त्यावर कोसळला. स्थानिक नागरिकांनी तत्काळ पोलिसांना कळवलं. पोलिसांनी घटनास्थळी पोहोचून त्याला तातडीने एसएन मेडिकल कॉलेजमध्ये दाखल केले. त्याठिकाणी शस्त्रक्रिया केल्यानंतर सध्या त्याची प्रकृती बरी असल्याचं डॉक्टरांनी सांगितलंय.

पोलिसांचा तपास आणि संशय

रुनकता पोलिस ठाण्याचे प्रभारी अधिकारी यांनी सांगितलं की, पीडिताच्या तक्रारीवरून गुन्हा दाखल करण्यात आला असून आरोपींचा शोध सुरू आहे. दरम्यान पीडिताच्या जबाबात वारंवार बदल होत असल्याचं तपासात आढळून आल्याने पोलिसांचा त्याच्यावरही संशय आहे.

शस्त्रक्रियेनंतर चौकशी करताना त्याला स्वतःच्या राहत्या घराचा अचूक पत्ता सांगता आला नाही. जुना पत्ताही चुकीचा दिला असल्याचं यावेळी समोर आलं. त्याचबरोबर हल्लेखोर बाइकवरून आले होते आणि घटनास्थळी पत्नी नव्हती, असंही त्याने एकदा जबाब देताना सांगितलं. त्यामुळे पोलिस आता सीसीटीव्ही फुटेज आणि इतर पुराव्यांच्या आधारे संपूर्ण प्रकरणाची सखोल चौकशी करतायत. जर पीडिताचे आरोप खरे ठरले तर संबंधित तिघांवर कठोर कारवाई करण्यात येईल, असे पोलिसांनी स्पष्ट केलंय.