कायद्याचे रक्षकच भक्षक झाल्याची संतापजनक घटना उघडकीस आली आहे. आंध्र प्रदेशातील फळ विकणाऱ्या २५ वर्षीय महिलेवर सामूहिक बलात्कार करण्यात आला आहे. धक्कदायक म्हणजे या घटनेते पोलीस अधिकाऱ्यांचा हात असल्याचे उघडकीस आले आहे. या प्रकरणी दोन पोलीस अधिकाऱ्यांना अटक करण्यात आली आहे. आरोपी पोलिसांची नाव डी. सुरेशराज आणि पी. सुंदर अशी आहेत.

मिळालेल्या माहितीनुसार, एका महिला आणि तिची मुलगी फळ विकण्यासाठी आंध्र प्रदेशहून तिरुवन्नमलई येथे आल्या होत्या. फळ विकून झाल्यानंतर दिवसभराचा क्षीण जावा यासाठी त्या रस्त्याच्या कडेला गाडी लावून थांबल्या होत्या. तसेच त्या कोणाची तरी वाट पाहत होत्या. या दरम्यान एक पोलिसांची गाडी त्यांच्याजवळ येऊन थांबली.

या गाडीतून डी. सुरेशराज आणि पी. सुंदर हे गाडीतून उतरले. हे दोघेही त्या दोघींच्या अधिकच जवळ जात असल्याने पीडितेने आणि तिच्या आईने आरोपी पोलिसांवर हल्ला केला. यानंतर संतप्त झालेल्या पोलिसांनी त्या दोघींना निर्जनस्थळी नेले. तिथे तरुणीवर या दोन नराधमांनी बलात्कार केला. या घटनेनंतर पीडितेने आणि तिच्या आईने घटनास्थळावरुन पाय काढत पोलीस ठाणे गाठले.

या घटनेप्रकरणी कॉन्स्टेबल डी. सुरेशराज आणि पी. सुंदर या दोन्ही आरोपींना पोलिसांनी बेड्या ठोकल्या आहेत. तसेच त्यांना पदावरून निलंबित करण्यात आले आहे. मात्र या घटनेने सर्वत्र संताप व्यक्त केला जात आहे. तसेच पुन्हा एकदा कायद्याचा रक्षकच भक्षक झाल्याचे समोर आले आहे. दरम्यान आता या दोघांना काय शिक्षा होणार हे पाहणं महत्त्वाचं ठरेलं.