Summary:

• तेलंगणामध्ये अल्पवयीन मुलींवर बलात्कार

• व्हिडीओ काढून ब्लॅकमेल करणाऱ्या तरुणाला अटक

• गरोदर राहिलेल्या अल्पवयीन मुलीचा बेकायदेशीर गर्भपात करण्यात आला

• पोलिसांनी आरोपी आणि डॉक्टरांना केली अटक

तेलंगणामधून एक हादरवून टाकणारी बातमी समोर आली आहे. १७ वर्षीय मुलाने ३ अल्पवयीन मुलींवर बलात्कार केला. यामधील एक मुलगी गरोदर राहिली. या मुलीला त्याने गर्भपात करण्यास भाग पाडल्याचा आरोप केला आहे. या प्रकरणी पोलिसांनी आरोपीला अटक केली. आरोपी इंटरमिजिएटचा विद्यार्थी आहे.

पोलिसांनी आरोपीच्या २२ वर्षीय मित्राला देखील अटक केली. आरोपी तरुणाने त्याच्या मित्राच्या घरी एका मुलीवर बलात्कार केला होता. गर्भवती मुलीवर बेकायदेशीर गर्भपात केल्याच्या आरोपाखाली एका खासगी रुग्णालयातील दोन डॉक्टर आणि एका नर्सला देखील अटक करण्यात आली आहे. या घटनेमुळे तेलंगणामध्ये खळबळ उडाली आहे.

आरोपीने मुलाने पीडितांना प्रेमाचे खोटे आश्वासन देऊन त्यांच्यावर अनेक वेळा बलात्कार केले. त्याने या मुलींवर बलात्कार करतानाचे व्हिडीओ शूट करून त्याद्वारे तो मुलांना ब्लॅकमेल करत होता. या मुलींवर पैसे देण्यासाठी आरोपी दबाव टाकत होता. पैसे दिले नाही तर तुमचे व्हिडीओ सोशल मीडियावर व्हायरल करेल आणि कुटुंबातील सदस्यांना पाठवेल अशी धमकी तो देत होता.

पोलिसांनी सांगितले की, २०२५ मध्ये आरोपी मुलाने या अल्पवयीन मुलींवर अनेक वेळा लैंगिक अत्याचार केले. हे प्रकरण आता उघड झाले जेव्हा एका पीडित मुलीला हे अत्याचार सहन न झाल्याने तिने हा प्रकार तिच्या पालकांना सांगितला. पीडितेच्या कुटुंबीयांनी आरोपीला मारहाण केली त्याच्याकडचा मोबाइल जप्त केला आणि त्याला पोलिसांच्या ताब्यात दिले. या प्रकरणी पोलिसांनी आरोपी तरुण आणि त्याच्या मित्राविरोधात गुन्हा दाखल करत त्यांना अटक केली. तसंच पोलिसांनी गरोदर राहिलेल्या मुलीचा गर्भपात करणाऱ्या २ डॉक्टर आणि नर्स यांना अटक केली.