संभाजीनगरमध्ये एका कौटुंबिक नात्याला काळिमा फासणारा प्रसंग समोर आला आहे. मामीनेच भाच्यावर लैंगिक अत्याचार केल्याची धक्कादायक घटना घडली आहे. दरम्यान याप्रकरणी संबंधित महिलेवर गुन्हा दाखल करण्यात आला असून तिला अटक करण्यात आली आहे. पोलीस याप्रकरणी पुढील कारवाई करत आहेत. मात्र या घटनेने खळबळ उडाली आहे.

मिळालेल्या माहितीनुसार, समय (नाव बदलेल) हा अल्पवयीन मुलगा आईच्या निधनानंतर त्याच्या मामा मामीकडे राहू लागला. यादरम्यान समयचा त्याची मामी मामाच्या नकळत छळ करायची. शिवाय तिचं ऐकलं नाही तर ती पीडित मुलाला घराबाहेर हाकलवून लावण्याची धमकी द्यायची.

मुलाने पोलिस तक्रारीत म्हटल्याप्रमाणे २०२३ मध्ये समयचा मामा कामावर गेल्यावर त्याच्या मामीने त्याला बेडरूममध्ये बोलावून जबरदस्ती शारीरिक संबंध ठेवले आणि कोणाला काही सांगितल्यास खोट्या केसमध्ये अडकवण्याची धमकी देऊन ब्लॅकमेल केले. हा प्रकार गेले कित्येक महिने वारंवार सुरु होता.

मामा घरातून बाहेर गेल्यावर मामी समयला छळत होती. समयच्या मामीने त्याला नको त्या ठिकाणी स्पर्श करून त्याला मुद्दाम मिठी मारायची अन् प्रकरण पुढं गेल्यावर मामीने थेट त्याच्याजवळ शरीरसुखाची मागणी केली. त्याला धमकी दिली अन् शारिरीक संबंध ठेवण्यास भाग पाडलं. बेडरूममध्ये बोलावून जबरदस्तीने शारीरिक संबंध ठेवले. पण एक दिवस मामाला हा सर्व प्रकार समजला.मात्र यानंतर समयने आणि त्याच्या मामाने पोलीस ठाण्यात तक्रार दाखल केली. याप्रकरणी पोलिसांनी गुन्हा दाखल केला असून याबाबत पुढील कारवाई सुरु आहे. दरम्यान या घटनेने खळबळ उडाली आहे.