गोपाल मोटघरे, साम प्रतिनिधी

जुगारच्या खेळाने दाजी हत्यारा बनला.पत्ते खेळताना झालेल्या वादानंतर एका व्यक्तीने आपल्या मेव्हण्याचा धारदार शस्त्राने वार करत खून केला. हत्येची ही घटना पिंपरी चिंचवड शहरातील बिजलीनगर येथील झोपडपट्टीत घडलीय. हाती आलेल्या माहितीनुसार, हत्या झालेल्या युवकाचे नाव थोरात असून. त्याच्याच दाजीनं त्याचा खून केलाय. हत्यारा दाजी हा रेकॉर्डवरील सराईत गुन्हेगार असून त्याचे नाव योगेश अनंता गायकवाड आहे.

जुगाराचे पत्ते खेळत असताना झालेल्या किरकोळ वादात तरुणाचा धारदार शस्त्राने वार करून खून करण्यात आला आहे. आरोपींनी केलेल्या हल्ल्यात तरुणाची दोन्ही हात पूर्णपणे तुटले असून तरुण जागीच मृत्यू झालाय. या प्रकरणाची माहिती मिळताच चिंचवड पोलीस घटनास्थळी दाखल झाले असून तरुणाची हत्या करणारा आरोपीच्या शोध आता चिंचवड पोलीस घेत आहेत.

तुळशीबागेत दुकान लावण्यावरून हाणामारी

पुण्यातील तुळशीबागेत दुकान लावण्याच्या वादातून दाम्पत्याला मारहाण करण्यात आली. सात ते आठ जणांच्या टोळक्याकडून मारहाण करण्यात आली. या प्रकरणी विश्रामबाग पोलीस स्टेशन मारहाण करणाऱ्या विरोधात गुन्हा दाखल करण्यात आलाय. विशेष म्हणजे हे दम्पत्य गेल्या १० वर्षांपासून दुकान त्या जागेवर दुकान लावतातय. त्यांनाच "इथे दुकान लावू नका" असे म्हणत त्यांना मारहाण करण्यात आलीय. "तुम्ही बाहेरून आला आहात तिथे दुकानात लावू नका" अशा प्रकारची धमकी देत दाम्पत्याला मारहाण झालीय.