चंद्रपूर जिल्ह्यातील घुग्घुस औद्योगिक परिसराच्या शेजारी असलेल्या नकोडा गावात भाजप नेते आणि स्थानिक सरपंच किरण बांदुरकर यांनी महावितरण लाईनमनला गावातच वीज खांबाला बांधून दमदाटी केल्याचे प्रकरण उजेडात आले आहे. यासंबंधी एक व्हिडिओ देखील समाज माध्यमात व्हायरल हाेऊ लागला आहे.

पाेलिसांत दिलेल्या तक्रारीची माहिती अशी : लाईनमन सुरज परचाके यांच्याकडे ऊसगाव आणि नकोडा या दोन गावांचा प्रभार आहे. परचाके तक्रार निवारणासाठी निघाले असताना मार्गात सरपंच किरण बांदुरकर यांनी अडवले व नकोडा येथे नेत स्वतःच्या डोक्याच्या दुपट्ट्याने वीज खांबाला बांधले.

या भागात पोलिसांची गस्त सुरू असताना हा प्रकार त्यांचे लक्षात आला. तब्बल दोन तास बांधून ठेवलेल्या लाईनमनला पाेलिसांनी साेडवले. दरम्यान महावितरण वरिष्ठांनी या प्रकरणाची दखल घेत घुग्घुस पोलिस ठाण्यात तक्रार नाेंदवली. पाेलिस सरपंच किरण बांदुरकर याचा शाेध घेताहेत. या घटने प्रकरणी एकूण तिघांविरोधात पोलिसांनी गुन्हा दाखल केला आहे.

Edited By : Siddharth Latkar