- तबरेज शेख

Nashik News :

नाशिकच्या अंबड-चुंचाळे एमआयडीसी येथील एक वर्षापूर्वी सिमेन्स कंपनीमध्ये झालेल्या चोरीचा उलगडा करण्यास चुंचाळे पोलिस चौकीच्या पथकाला यश आले. पोलीस पथकाने या गुन्ह्यातील ३९ लाखांचा चोरीचा मुद्देमाल भंगार व्यावसायिकाकडून जप्त केला. (Maharashtra News)

पोलिसांनी दिलेल्या माहितीनुसार, जानेवारी २०२३ मध्ये सिमेन्स कंपनीतून कॉपर आणि इतर इंडस्ट्रीज साहित्य चोरी झाले होते. याप्रकरणी अंबड पोलिसांत गुन्हा दाखल करण्यात आला होता.

यात पोलिसांनी ताब्यात घेतलेल्या संशयितांची चौकशी केली. त्यांनी कारागृहात असलेल्या तीन संशयितांची नावे सांगितली. या संशयितांची न्यायालयाकडून कस्टडी घेत चौकशी केली. यामध्ये चोरीचा माल एका भंगार व्यावसायिकाकडे ठेवल्याचे समजले.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पोलिसांनी तपास केला असता भंगार व्यावसायिकाकडून जेसीबी, कॉपर, चारचाकी असा ३९ लाखांचा मुद्देमाल जप्त केला. या प्रकरणी पोलिसांनी एकूण १५ संशयितांना अटक केली आहे. पाेलिस या प्रकरणाचा कसून तपास करीत आहेत.

Edited By : Siddharth Latkar