Nandurbar News : कडाक्याच्या थंडीत बेघरांना मायेची ऊब; नंदुरबार पोलिस अधीक्षकांचा उपक्रम

- सागर निकवाडे

Nandurbar News :

थंडीत कुडकुडणाऱ्य नागरिकांना नवीन वर्षाच्या (new year 2024) सुरुवातीला नंदुरबार पोलिसांनी गरम कपड्यांचे वितरण करुन मायेची ऊब दिली. पाेलिसांनी रेल्वे स्टेशन, बस स्टॅन्ड तसेच गावातील इतर भागात राहणाऱ्या बेघर शेकडो नागरिकांना उबदार कपड्यांचे पोलीस अधीक्षक पी. आर. पाटील (superintendent of police p r patil) यांच्या उपस्थित वाटप केले. (Maharashtra News)

31 डिसेंबरच्या रात्री बारा वाजे नंतर नवीन वर्षाच्या स्वागतासाठी तरुणाईचा जल्लोष आणि त्यातच कायदा सुव्यवस्था राखण्यासाठी नंदुरबार जिल्हा पोलीस दलातील सर्वच वरिष्ठ अधिकारी कर्तव्यावर हजर होते.

स्वतः पोलीस अधीक्षक पी. आर. पाटील हे बस स्थानक आणि रेल्वे स्टेशन परिसरात परिस्थितीचा आढावा घेत असताना त्यांना थंडीत कुडकुडणारी अनेक बेघर नागरिक दिसले. त्यांनी क्षणाचाही विलंब न करता आपल्या सहकाऱ्यांशी चर्चा करून नवीन वर्षाच्या सुरुवातीला या नागरिकांना उबदार साहित्याचा वाटप करण्याचा निर्णय घेतला.

रात्रीतच या नागरिकांसाठी पांघरण्यासाठी आणि उबदार कपडे आणले गेले. तसेच वाटप करण्यात आले. पोलीस दलाच्या वतीने नवीन वर्ष सोशल पोलिसिंग माध्यमातून साजरा करण्यात येणार असल्याचा संदेश (Monday Motivation) पोलीस अधीक्षकांनी त्यांच्या कृतीतून दिला.

Edited By : Siddharth Latkar