Satara News :

18 लाखाचा कांदा विकून शेतकऱ्यांच्या पैशावर डल्ला मारणाऱ्यांच्या सातारा पोलीसांनी (satara police) मुसक्या आवळल्या. या प्रकरणी पाेलीसांनी माल वाहतुक गाडीच्या चालकासह एकूण तीन जणांना अटक केली आहे. (Maharashtra News)

किरणकुमार सूर्यवंशी (उपविभागीय पोलिस अधीक्षक) यांनी दिलेल्या माहितीनूसार दोन दिवसांपूर्वी पुण्यातील कांदा उत्पादक शेतकऱ्यांची तब्बल 18 लाख रुपयांची चोरी साताऱ्यातील वाढे फाटा येथे झाली होती. कांदा उत्पादक शेतकरी बेळगाव येथे कांदा विकून पुन्हा पुण्याला निघाले हाेते.

त्यांच्या वाहनातून चोरट्यांनी 18 लाख रुपये लंपास केले होते. त्याबाबत पाेलीसांत तक्रार नाेंदवली गेली हाेती. सातारा पोलिसांनी या घटनेचा छडा लावला आहे. शेतकऱ्यांचा सोबत असणा-या वाहन चालकाने त्याच्या दोन साथीदारांच्या मदतीने ही चोरी केल्याचे समोर आले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या तिघांना अटक करण्यात आली असून त्यांच्याकडून चोरीची रक्कम देखील हस्तगत करण्यात आली आहे असे सूर्यवंशी यांनी साम टीव्हीशी बाेलताना नमूद केले.

Edited By : Siddharth Latkar