- तबरेज शेख

Nashik News :

नाशिक शहरात आज (साेमवार) पहाटेच्या सुमारास एक युवकाची हत्या झाली. हा युवक एक सराईत गुन्हेगार असल्याची माहिती समाेर आली आहे. या हत्या प्रकरणी पाेलिसांना सहा जणांवर संशय असून त्यांचा पंचवटी पाेलिस शाेध घेताहेत.  (Maharashtra News)

पाेलिसांकडून मिळालेल्या माहितीनूसार नाशिकच्या पंचवटी भागातील फुलेनालगर म्हाडा बिल्डिंग येथील सुलभ शौचालया परिसरात आज पहाटेेच्या सुमारास एका सराईत गुन्हेगाराची हत्या झाल्याची घटना घडली. निलेश श्रीपत उपाडे (वय २१) असे हत्या झालेल्या युवकाचे नाव आहे.

निलेशवर रात्रीच्या सुमारास धारदार शस्त्राने वार करीत त्याची हत्या झाली असावी. आमची कुरापत का काढतो या किरकोळ कारणावरुन त्याची हत्या झाल्याची प्राथमिक माहिती पाेलिसांनी दिली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या प्रकरणी सहा संशयित निष्पन्न झाले आहेत. त्यापैकी चार अल्पवयीन आहेत तर दोन सज्ञान आहे. हे संशयित रेकॉर्ड वरील गुन्हेगार आहेत. त्यांचा शाेध पंचवटी पोलिस करीत आहेत अशी माहिती (मधुकर कट, वरिष्ठ पोलिस निरीक्षक पंचवटी पोलिस स्टेशनय) यांनी दिली.

Edited By : Siddharth Latkar