तरबेज शेख, साम प्रतिनिधी

Nashik Crime News : शिक्षिकेपेशाला काळीमा फासणारी धक्कादायक घटना नाशिकमध्ये घडली आहे. विद्यार्थ्यांना चांगले वागणुकीचे धडे देणारीच शिक्षिका हत्यारी निघाली. प्रियकराच्या हत्येसाठी आपल्या विद्यार्थ्यांनाच दोन लाखाची सुपारी दिली होती. पंचवटी पोलिसांनी अवघ्या पाच तासात हत्येचा तपास लावला.

आज सकाळी नाशिक शहरातील पंचवटी परिसरात एका 25 वर्षी तरुणाची डोक्यात धारदार शस्त्राने वार करून हत्या करण्यात आली होती. यासंदर्भात नाशिकच्या पंचवटी पोलीस ठाण्यात गुन्हा दाखल करण्यात आला होता. तपासा दरम्यान निवृत्त पोलीस अधिकाऱ्याच्या मुलाची हत्या करण्यात आली आहे. हत्या झालेल्या तरुणाच नाव गगन कोकाटे असून तो राहणार मसरूळ परिसरातील होता. त्याच्या शेजारीच राहणाऱ्या आरोपी भावना कदम या शिक्षकेशी ओळख झाली आणि दोघांच्या ओळखीचे रूपांतर प्रेमात झाले.

मात्र या प्रेमप्रकरणात गगन हा वारंवार भावना यांना भेटण्यासाठी त्रास देत असायचा त्याचा राग मनात धरून चक्क शिक्षिका पेशा असलेल्या भावना कदम यांनी गगनचा काटा काढण्यासाठी आपल्याच विद्यार्थ्यांच्या मित्रांना दोन लाख रुपयांची सुपारी दिली. याप्रकरणी पंचवटी पोलिसांनी अवघ्या पाच तासात मारेकरी ताब्यात घेतले आहे यात दोन विधीसंघर्षित बालकांसह पाच जणांना अटक केली आहे. यात संकेत दिवे (२०) मेहफूज सय्यद (१८) रितेश सपकाळे (२०) गौतम दुसाने (१८) आणि मुख्य आरोपी भावना कदम यांना ताब्यात घेतले आहे. मात्र या घटनेमुळे नाशिक शहरातील शैक्षणिक क्षेत्रात एकच खळबळ उडाली आहे.