वानवडी पोलिस ठाण्याअंतर्गत असलेल्या रामटेकडी परिसरात काल सकाळी सात वाजता जुन्या भांडणाच्या रागातून अल्पवयीन मुलाचा खून झाल्याची घटना रामटेकडी येथील जामा मस्जिद समोर घडली आहे. त्यामुळे परिसरात दहशतीचे वातावरण निर्माण झाले आहे. या घटनेनिमित्त पोलीस ठाण्यात तक्रार दाखल करण्यात आली आहे.

यश सुनिल घाटे (वय १७), अशोकभाऊ कांबळे ऑफीसच्या मागे, रामटेकडी) असे खून झालेल्या मुलाचे नाव आहे. साहील लतीफ शेख (वय-१८) व ताहीर खलील पठाण (वय-१८, राहणार स.नं. ११० रामटेकडी) या गुन्हेगारांना अटक केली आहे. मृत यश घाटेचा भाऊ प्रज्वल सुनील घाटे याने पोलीस ठाण्यात तक्रार दाखल केली आहे.

काल सकाळी सातच्या सुमारास यश घाटे व त्याचे मित्र आदित्य चव्हाण, रेहान पठाण, श्रेयस शिंदे हे रामटेकडी येथील जामा मस्जिद समोरून कॉलेजला जात असताना साहील व ताहीर यांनी जुन्या भांडणाचा राग मनात धरुन यश घाटे याला कोयत्याने गंभीर जखमी करुन ठार मारले. पुढील तपास वानवडी पो.स्टे.चे.पो.उ निरिक्षक मुनीर इनामदार व दिलीप पालवे हे करत आहेत.

पुण्यात अल्पवयीन आरोपींकडून गुन्हेगारीचे सत्र सुरूच आहे. अल्पवयीन आरोपीने अल्पवयीन मुलाचा धार धार शस्त्राने वार करत खून केल्याची बातमी समोर आली आहे. गणपती विसर्जन मिरवणुकीत नंबर वरून वाद झाले होते. पुण्यातील वडगाव बुद्रुकमधील ही धक्कादायक घटना आहे. मृत्यू झालेला मुलगा पब्जी खेळत असताना पाठीमागून येऊन धारदार शस्त्राने वार केला. याप्रकरणी सिंहगड रोड पोलीस स्थानकात गुन्हा दाखल करत तीन संशयित अल्पवयीन ताब्यात घेण्यात आले.