संदिप भोसले, साम टीव्ही लातूर

पोलीस ठाण्यात तक्रार देण्यासाठी गेलेल्या महिलेने आत्महत्या केल्याची घटना लातूरमध्ये घडली आहे. या महिलेने विहिरीत उडी घेऊन जीवन संपवल्याची माहिती समोर आली आहे. या महिलेनं असं टोकाचं पाऊल का उचललं, असा प्रश्न निर्माण होत आहे. पोलिसांच्या अपमानजनक वागणुकीला त्रासल्याने महिलेने हे टोकाचं पाऊल उचलल्याचं समोर आलं आहे.

लातूरच्या विवेकानंद पोलीस ठाण्यात ही धक्कादायक घटना घडली आहे. याबाबत सविस्तर वृत्त असं की, ही महिला लातूर जिल्ह्यातील वैशालीनगर भागात राहत होती. तिच्यासोबत छेडछाडीची घटना घडली (Latur Crime News) होती. त्यामुळे पिडित महिलेने पोलिसांत धाव घेतली होती. ती लातूरच्या विवेकानंद पोलीस ठाण्यात तक्रार देण्यासाठी गेली होती. परंतु पोलीस ठाण्यातच तिला अपमानास्पद वागणूक मिळाली. पोलीस ठाण्यात तक्रारदार महिलेचा अपमान झाला.

मात्र, तक्रार देण्यासाठी गेलेल्या पीडित महिलेस पोलीस ठाण्यात कर्तव्यावर असलेल्या पोलीस कर्मचाऱ्याने अश्लील भाषेत शिवीगाळ केली. या महिलेला अपमानजनक वागणूक (Woman End Life) दिली. त्यामुळे पोलिसांच्या आणि छेडछाड करणाऱ्या आरोपीच्या त्रासाला कंटाळून या महिलेने विहिरीत उडी घेतली. तिने आत्महत्या केल्याची धक्कादायक घटना घडली आहे. या घटनेमुळे लातूरच्या वैशालीनगर भागात मोठी खळबळ उडाली (Crime News) आहे.

दरम्यान मृत महिलेच्या नातेवाईकांच्या पोलीस ठाण्यात तक्रार दिली. या तक्रारीवरून संबंधित पोलीस कर्मचाऱ्यावर तात्काळ निलंबनाची कारवाई पोलीस अधीक्षक सोमय मुंडे यांनी केली आहे. या घटनेमुळे (Latur News) लातूरमध्ये नागरिकांत संतापाचे वातावरण आहे. खरं तर मदतीच्या हेतुने सर्वसामान्य पोलिसांकडे धाव घेतात. परंतु पोलीस कर्मचाऱ्यांनीच पीडित महिलेला अपमानास्पद वागणूक दिली. त्यामुळे मृत महिलेनं टोकाचं पाऊल उचलल्याचं लातूरमध्ये समोर आलं आहे. संबंधित अधिकाऱ्यांनी पोलीस कर्मचाऱ्यावर कारवाई केली असल्याची माहिती मिळत आहे.