Dhule :

जैन मंदिरातील तिजोरी चाेरणाऱ्या तिघांना धुळे स्थानिक गुन्हे अन्वेषण विभागाच्या पथकाने अटक केली. त्यांच्याकडून पोलिसांनी एक लाख पाच हजार रुपयांचा मुद्देमाल हस्तगत केला आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

गेल्या काही दिवसांपूर्वी धुळे जिल्ह्यातील साक्री तालुक्यातील निजामपूर बळसाने येथील जैन मंदिरामधून दानपेटीची चोरी झाली हाेती. याबाबत निजामपूर पोलिस ठाण्यात तक्रार नाेंदविण्यात आली हाेती. पाेलिसांनी अज्ञातांवर गुन्हा दाखल केला होता.

या गुन्ह्याची उकल करण्यासाठी स्थानिक गुन्हे अन्वेषण विभागाच्या पथकाने तपासाची चक्र फिरवले असता तिघा चोरट्यांना स्थानिक गुन्हे अन्वेषण विभागाच्या पथकाने चोरी केलेल्या पैशांसह मुसक्या आवळल्या आहेत. या कारवाईमध्ये पोलिसांनी जवळपास 35 हजार रुपये रोख रक्कम व दुचाकी असा एकंदरीत एक लाख पाच हजार रुपयांचा मुद्देमाल हस्तगत केला आहे. (Maharashtra News)

या कारवाईतील एका सराईताने देवपूर पोलिस ठाण्याच्या हद्दीमध्ये जबरी चोरी केल्याची देखील घटना उघडकीस आली. या चोरीतील आणखी एक साथीदारासह या चोरट्याकडून 995 रुपये इतका मुद्देमाल पोलिसांनी हस्तगत केला आहे.

Edited By : Siddharth Latkar