मुंबई आग्रा महामार्गावर वाहनधारकांना, प्रवाशांना लूटणा-या टाेळीला धुळे स्थानिक गुन्हे अन्वेषण विभागाच्या पथकाने अटक केली आहे. पोलिसांनी त्यांच्याकडून 14 हजार 800 रुपये, एटीएम व मोबाईल फोन्स हस्तगत केले आहेत.

मुंबई आग्रा महामार्गावर वाहनधारकांची लूट गेल्या काही दिवसांपासून होत असल्याच्या घटनांमध्ये वाढ झाली होती. सोनगीर पोलिस ठाण्यात सातत्याने चाेरीचे गुन्हे दाखल हाेत हाेते. या गुन्हांच्या अनुषंगाने स्थानिक गुन्हे अन्वेषण विभागाच्या पथकास गुप्त माहिती दारा मार्फत मिळालेल्या माहितीच्या आधारे 2 जणांना पाेलिसांनी ताब्यात घेतले.

त्यांची सखोल चौकशी केली असता आपण ही लूट करत असल्याचे त्यांनी कबूल केले. यामध्ये एका विधी संघर्षित बालकाचा देखील समावेश आहे. त्या विरोधात शिरपूर पोलिसात यापूर्वी देखील घरफोडी संदर्भातील गुन्हे दाखल आहेत.

Edited By : Siddharth Latkar