- रणजीत माजगावकर

Crime News :

मुंबई आंतरराष्ट्रीय विमानतळावर आज (बुधवार) कस्टम डिपार्टमेंटने सुमारे ३ किलो सोन जप्त केले. सुमारे १.७६ लाख रुपये साेन्याची बाजारभाव किंमत असल्याची माहिती अधिका-यांकडून प्राप्त झाली आहे. दरम्यान पुणे-बंगळूर राष्ट्रीय महामार्गावर 40 किलो अफू व एक किलो गांजासह तिघांना अटक करण्यात पाेलिसांना यश आले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मुंबई आंतरराष्ट्रीय विमानतळावर आज कस्टम अधिका-यांनी प्रवाशांची तपासणी केली असता काही प्रवाशांनी विशेषत: महिलांनी त्यांच्या चपला, कपड्यांमधून साेने आणल्याचे निदर्शनास आले. याबराेबरच प्रवाशांनी हॅण्ड ब्लेंडर तसेच खेळण्यातूनही सोन्याची तस्करी करण्याचा प्रयत्न केला. काहींनी सोने त्यांच्या शरीरात लपवल्याचे तपासात उघड झाले.

अधिका-यांनी एकूण ३ किलो सोन जप्त केले आहे. वेगवेगळ्या एकूण ८ प्रकरणांमध्ये कस्टम अधिका-यांनी चार आयफोनसह १.१८ लाखांचे अमेरिकन डॉलर देखील जप्त केले आहेत.

काेल्हापूर एलसीबीची माेठी कारवाई

पुणे-बंगळूर राष्ट्रीय महामार्गावरील गायकवाड पेट्रोल पंपाजवळ आज (बुधवार) कोल्हापूर पोलिसांच्या स्थानिक गुन्हे अन्वेषण शाखेने मोठी कारवाई केली. कोल्हापूर पोलिसांनी छापेमारी करीत 5 लाख 21 हजार 400 रुपयांचा अमली पदार्थांचा साठा जप्त केला. यामध्ये 40 किलो अफू व एक किलो गांजा याचा समावेश आहे. (Maharashtra News)

या कारवाईत मनीष मोहनराम या परप्रांतीय तरुणासह मोहन चव्हाण आणि अमीर जमादार या तिघांना अटक करण्यात आली आहे. त्यांच्यावर एनडीपीएस कायद्यांतर्गत वडगाव पोलिस ठाण्यात गुन्हा दाखल करण्यात आला आहे.

Edited By : Siddharth Latkar