Crime News: आग्रामधील एका गावात माणुसकीला काळिमा फासणारी आणि नातेसंबंधांच्या मर्यादा ओलांडणारी धक्कादायक घटना उघडकीस आली आहे. एका सासूने आपल्या जावयासोबत घर सोडून पलायन केल्याने परिसरात एकच खळबळ उडाली आहे. ही घटना एका कौटुंबिक लग्नसमारंभादरम्यान घडल्याची माहिती समोर आली आहे.

मिळालेल्या माहितीनुसार, संबंधित जावई हा पाच मुलांचा पिता असून तो लग्नासाठी सासरी आला होता. कार्यक्रमादरम्यान काही कामाच्या बहाण्याने त्याने सासूला शेतात नेले. बराच वेळ दोघे परत न आल्याने नातेवाईकांना संशय आला आणि त्यांनी शोधाशोध सुरू केली. शोधादरम्यान दोघेही शेतात नकोत्या अवस्थेत आढळल्याने उपस्थितांमध्ये संताप उसळला.

गोंधळ वाढताच संबंधित जावई सासूला दुचाकीवर बसवून घटनास्थळावरून फरार झाला. या घटनेनंतर संपूर्ण गावात चर्चा रंगली असून दोन्ही कुटुंबांमध्ये तणाव निर्माण झाला आहे. तपासात या दोघांमध्ये मागील १२ वर्षांपासून अनैतिक संबंध असल्याचे उघड झाले आहे.

यापूर्वीही ही जोडी घर सोडून पळून गेली होती आणि त्यांना दिल्ली येथून परत आणण्यात आले होते. मात्र, त्यानंतरही त्यांचे संबंध कायम राहिल्याचे स्पष्ट झाले आहे. या घटनेमुळे दोन्ही कुटुंबांचे आयुष्य विस्कळीत झाले आहे. एका बाजूला पती धक्क्यात असून दुसरीकडे जावयाच्या पत्नीचीही परिस्थिती गंभीर बनली आहे.

दरम्यान, पीडित पतीने स्थानिक पोलीस ठाण्यात तक्रार दाखल केली आहे. पोलिसांनी गुन्हा नोंदवून फरार आरोपींचा शोध सुरू केला आहे. लवकरच त्यांना ताब्यात घेतले जाईल, अशी माहिती पोलिसांनी दिली आहे.