• उत्तर प्रदेशमध्ये अल्पवयीन मुलीवर सामूहिक बलात्कार

• सोशल मीडियावरून मैत्री झालेल्या तरुणाचं भयंकर कृत्य

• हॉटेलवर बोलावून बलात्कार केला आणि तिथेच सोडून निघून गेला

• त्यानंतर हॉटेल ऑपरेटरने देखील पीडितेवर बलात्कार केला

उत्तर प्रदेशमध्ये १५ वर्षीय मुलीवर सामूहिक बलात्कार करण्यात आल्याची धक्कादायक घटना घडली. सोशल मीडियावरून या मुलीची एका तरुणासोबत ओळख झाली होती. या तरुणाने पीडित मुलीला हॉटेलवर नेऊन तिच्यासोबत भयंकर कृत्य केले. आधी तरुणाने पीडित मुलीवर बलात्कार केला. त्यानंतर हॉटेल ऑपरेटरने तिच्यावर बलात्कार केला. या प्रकरणी पोलिसांनी दोन्ही आरोपींविरोधात गुन्हा दाखल करत त्यांना अटक केली. पोलिस सध्या या प्रकरणाचा कसून तपास करत आहेत.

आरोपी तरुणाने पीडित मुलीसोबत सोशल मीडियावर मैत्री केली. त्यानंतर त्याने तिला आमिष दाखवत हॉटेलवर नेले आणि तिच्यावर बलात्कार केला. आरोपी पीडित मुलीला तिथेच सोडून निघून गेला. त्यानंतर हॉटेल ऑपरेटरने अल्पवयीन मुलीला ओलीस ठेवले. त्यानंतर धमकावून तिच्यावर त्याने देखील बलात्कार केला. पीडित मुलगी कशीबशी त्याच्या तावडीतून निसटून पळून जाण्यात यशस्वी झाली.

पीडित मुलीने एका महिलेला तिच्यावर झालेल्या अत्याचाराची माहिती दिली. त्यानंतर त्यांनी पोलिसांना घटनेची माहिती दिली. पोलिसांनी या प्रकरणी हॉटेल ऑपरेटर आणि तरुणाविरोधात गुन्हा दाखल केला आणि त्यांना अटक केली. त्यानंतर पोलिसांनी घटना घडलेले हॉटेल देखील बंद केले.

पोलिसांनी सांगितले की, बुलंदशहर जिल्ह्यातील एका गावात राहणारी पीडित मुलगी आठवीमध्ये शिकते. इल्यासपूर भागात राहणाऱ्या तरुणासोबत तिची सोशल मीडियावरून मैत्री झाली. दीड महिन्यांपासून ते एकमेकांना ओळखत होते. बुधवारी तरुणाने तिला फोन करून भेटायला बोलावले. त्याठिकाणावरून तो तिला एका हॉटेलवर घेऊन गेला आणि त्याठिकाणी त्याने तिच्यावर बलात्कार केला. आईचा फोन आला असून मी बाहेर फोनवर बोलता असे सांगून तो पीडितेला तिथेच सोडून निघून गेला. त्यानंतर भोपटपूर येथील रहिवासी असलेल्या हॉटेल ऑपरेटरने पीडितेला धमकावत तिच्यावर बलात्कार केला.