आजकाल सर्वजण डिजिटल पेमेंटचा खूप जास्त वापर करतात. परंतु काही कामांसाठी आपल्याकडे कॅश असणे गरजेचे आहे. रोख रक्कमेसाठी तुम्हाला एटीएममधून पैसे काढावे लागतात.दरम्यान, बँकेच्या ग्राहकांना झटका बसणार आहे. एटीएममधून पैसे काढणे आता महाग होणार आहे. एटीएममधून कॅश काढण्यासाठी शुल्क वाढवले जाऊ शकते. यामुळे ग्राहकांना बँकेतून पैसे काढण्यासाठी वाढीव पैसे द्यावे लागणार आहे.

रिझर्व्ह बँक ऑफ इंडिया (Reserve Bank Of India)सध्या ५ वेळा एटीएममधून कॅश काढण्यासाठी कोणतेही शुल्क आकारत नाही. परंतु आता एटीएममधून पैसे काढणाऱ्यावर जास्त शुल्क आकारु शकते. मिडिया रिपोर्टनुसार, तुम्हाला आता एटीएममधून पैसे काढताना जास्त शुल्क भरावे लागणार आहे.

किती शुल्क भरावे लागणार?

मिडिया रिपोर्टनुसार, NPCI ने पाचवेळा एटीएममधून पैसे काढण्यावर कोणतेही शुल्क आकारत नाही. परंतु त्यानंतर जर तुम्ही कॅश काढत असाल तर तुम्हाला २१ रुपये चार्ज पडतो. परंतु आता हे शुल्क वाढवण्याची शक्यता आहे. आता तुम्हाला २२ रुपये शुल्क भरावे लागू शकते. त्यामुळे ५ ट्रान्झॅक्शननंतर प्रत्येक कॅश विड्रॉवलसाठी २२ रुपये मोजावे लागतील. याचसोबत एनपीसीआयने रोख रक्कमेच्या व्यव्हारासाठी एटीएम इंटरचेंज फी १७ रुपयांवरुन १९ रुपये करण्याची शिफारस केली आहे.

रिपोर्टनुसार, बँक आणि व्हाइल लेबल एटीएम ऑपरेटर मेट्रो आणि नॉन मेट्रो शहरात शुल्क वाढवण्याच्या माताशी सहमत आहे. परंतु रिझर्व्ह बँक आणि NPCI ने याबाबत कोणतीही माहिती दिलेली नाही. रिपोर्टनुसार, वाढती महागाई, ट्रान्सपोर्टेश खर्च आणि कॅश रिप्लेनिशमेंटसाठीचा खर्च वाढत आहे. त्यामुळेच हे शुल्क वाढवण्याची मागणी केली जात आहे.