आयटीआर फाइल करण्यासाठी आता फक्त दीड महिना राहिला आहे. आयटीआर फाइल करण्याची शेवटची तारीख १५ सप्टेंबर २०२५ आहे. लाखो करदात्यांनी आयटीआर फाइल केला आहे. दरम्यान, अनेकांच्या खात्यात रिफंडदेखील जमा झाले आहेत. याआधी रिफंड मिळवण्यासाठी महिनाभर वाट पाहावी लागयची.

सध्या टॅक्स रिफंडसाठी काही दिवस लागतात. तर काहींना २४ तासांच्या आत रिफंडचे पैसे मिळत आहेत.

रिफंडच्या प्रक्रियेत बदल

आयकर विभागाने २०२५-२६ च्या आयटीआर प्रोसेसिंग आणि रिफंड जारी करण्याच्या कालावधीत बदल केला आहे. आता हा कालावधी १७ दिवसांचा असणार आहे. याआधी हा कालावधी ९३ दिवसांचा होता. टेक्नोलॉजी आणि सिस्टीममधील बदलामुळे हे शक्य झालं आहे, असं सरकारचं म्हणणं आहे.

१० दिवसांत प्रोसेस, काही तासांत रिफंड (Tax Refund Process And Time)

अर्थमंत्री निर्मला सितारामन यांनी सांगितले की, २०२३-२४ मध्ये प्रोसेसिंगचा कालावधी १० दिवसांवर आला आहे. काही करदात्यांना अवघ्या ४ तासातदेखील रिफंड मिळाले आहेत. काहींचे आयटीआर तर १० तासाच प्रोसेस झाले आणि त्यांना १२ तासात रिफंडचे पैसेदेखील मिळाले.

ITR-1 ला सर्वात आधी प्रोसेस केले जाते. यामध्ये कमी माहिती असते त्यामुळे याची प्रोसेस लवकर होते. यानंतर ITR-2 आणि ITR-3 ची प्रोसेसिंग होते. जर तुमच्या आयटीआर फाइलमध्ये सर्वकाही सोपं असेल तर तुम्हाला लवकर रिफंड मिळण्याची शक्यता आहे.

या करदात्यांना रिफंड उशिरा मिळतो (These Taxpayers get Refund Late)

टॅक्स रिफंड प्रोसेस जलद होत आहे त्याचसोबत अधिक सतर्क झाली आहे. तुम्ही जर कोणती खोटी माहिती भरली तर या परिस्थितीत रिफंड येण्यास उशीर होऊ शकतो.ज्या करदात्यांनी चुकीचे डिडक्शन क्लेम केले असेल किंवा अर्धवट माहिती भरली असेल तर त्यांना पैसे जमा होण्यास जास्त उशीर होऊ शकतो.