जगभरात WhatsApp हे इन्स्टंट मेसेजिंग अ‍ॅप वापरले जाते. एकमेकांशी बोलण्यापासून ते फोटो आणि व्हिडिओ शेअर करण्यापर्यंत सर्व गोष्टींसाठी व्हॉट्स अ‍ॅपचा वापर केला जातो. दरम्यान हॅकर्स तुमचा डेटा चोरण्यासाठी अ‍ॅपचा वापर करण्याचा प्रयत्न करतात, परंतु युझर्सला यापासून वाचवण्यासाठी, प्लॅटफॉर्मवर सुरक्षा आणि गोपनीयता सारखे अपग्रेड देखील उपलब्ध आहेत. असे काही फीचर्स आहेत, ज्याद्वारे युझर्स त्यांचे चॅट सुरक्षित ठेवू शकतात. पण जर त्याकडे लक्ष दिलं नाही तर तुम्ही मोठ्या नुकसानाला बळी पडू शकतात.

तुमचे बँक खाते धोक्यात असू शकते. चला जाणून घेऊया कोणत्या गोष्टी लक्षात ठेवाव्यात आणि कोणत्या कृती तुम्हाला हॅकर्सपासून वाचवू शकतात.

फोटो-व्हिडिओ शेअरिंगचाही धोका

हॅकर्स व्हॉट्स अ‍ॅपद्वारे लोकांच्या फोनमध्ये प्रवेश मिळविण्यासाठी फोटो आणि व्हिडिओ वापरत आहेत. हॅकर्स फक्त एका क्लिकवर युझर्सचा डेटा अॅक्सेस करू शकतात. व्हॉट्सअॅप सेटिंग्जमधील एक पर्याय बंद करून, तुम्ही सायबर हल्ल्यांचा धोका कमी करू शकता आणि तुमचा फोन डेटा सुरक्षित ठेवू शकता.

सायबर धोक्यापासून कोणता पर्याय वाचवेल

WhatsApp अॅप उघडा.

स्क्रीनच्या वरच्या बाजूला दिसणाऱ्या तीन बिंदूंवर (⋮) क्लिक करा.

यानंतर सेटिंग्स ऑप्शन निवडा.

चॅट्स या सेक्शनवर क्लिक करा

मीडिया व्हिजेबिलिटी टॉगल पर्याय असेल, तो बंद करा.

या चुका करू नका

काही चुका करून तुमचा फोन हॅकर्सकडून हॅक होऊ शकतो. जर तुम्ही व्हॉट्स अ‍ॅपवर आलेल्या लिंक्स, फोटो इत्यादींवर क्लिक केले तर सायबर गुन्हेगार तुम्हाला त्यांचा बळी बनवू शकतात. कोणता फोटो स्कॅम चालू आहे. यातून युझर्सचे बॅक अकाउंट खाली केलं जात आहे. याशिवाय कोणत्याही लिंकवर क्लिक करू नका. बहुतेक हॅकर्स लिंक्सद्वारे फोन हॅक करण्याचा प्रयत्न करतात.