मोदी सरकारच्या तिसऱ्या कार्यकाळातील पहिलं अर्थसंकल्प सादर केला आहे. या अर्थसंकल्पात नोकरदारवर्गाला मोठा दिलासा मिळाला आहे. नोकरदारवर्गासाठी निर्मला सितारामन यांनी मोठी घोषणा केली आहे. नवीन टॅक्स रिजीमनुसार वर्षाला १२ लाख उत्पन्न असणाऱ्यांना टॅक्स भरावा लागणार नाही. दरम्यान, स्टँडर्ड डिडक्शन ७५ हजार रुपये करण्यात आले आहे. त्यामुळे तुम्हाला १२.७५ लाखांवर कोणताही कर भरावा लागणार नाही.

स्टँडर्ड डिडक्शन म्हणजे काय? (What Is Standard Deduction)

स्टँडर्ड डिडक्शन म्हणजे नोकरदार वर्गाच्या उत्पन्नातून आधीच एक निश्चित रक्कम कमी केली जाते. त्यामुळेच त्या व्यक्तीचं कमी होतं. परिणामी त्याला कमी कर भरावा लागतो. प्राप्तिककर कायदा १९६१ च्या कलम १६ अन्वयेनुसार स्टँडर्ड डिडक्शनचा समावेश करण्यात आला आहे. त्यामुळे तुमचे उत्पन्न जास्त असो किंवा कमी तुम्हाला स्टँडर्ड डिडक्शनची रक्कम वजा करण्याची मुभा असते.

स्टँडर्ड डिडक्शनचा फायदा (Standard Deduction Benefits)

स्टँडर्ड डिडक्शनचा फायदा पगारदार व्यक्ती आणि पेन्शनधारकांना होतो. वार्षिक करपात्रा उत्पन्नातून स्टँडर्ड डिडक्शनची रक्कम थेट कमी होते. नवीन कर प्रणालीनुसार, करदात्यांना ७५००० रुपये स्टँडर्ड डिडक्शनचा फायदा होणार आहे. तर जुन्या करप्रणालीनुसार ५०,००० रुपयांचा स्टँडर्ड डिडक्शनचा फायदा होणार आहे.म्हणजेच तुम्हाला १२००० उत्पन्न आणि ७५००० रुपये स्टँडर्ड डिडक्शनवर टॅक्स भरावा लागणार नाही.

आयटीआर फाइल करताना स्टँडर्ड डिडक्शनचा करावा लागतो दावा (ITR Filling)

आयटीआर फाइल करताना तुम्हाला स्टँडर्ड डिडक्शनसाठी दावा करावा लागतो. यामुळे तुम्हाला नवीन कर प्रणालीनुसार ७५००० रुपयांचे स्टँडर्ड डिडक्शन मिळणार आहे. तर जुन्या कर प्रणालीनुसार ५०,००० रुपयांच्या स्टँडर्ड डिडक्शनवर कर भरावा लागणार नाही. यासाठी तुम्हाला कोणत्याही कागदपत्रांची गरज भासणार नाही. प्रायव्हेट क्षेत्रात काम करणाऱ्यांना फॉर्म १६ दिला जातो. त्यामुळे स्टँडर्ड डिडक्शनवर टॅक्स लागत नाही.