शिक्षणाला कोणतीही मर्यादा नसते. तसेच स्वप्न पूर्ण करण्यासाठीही वयाची अट नसते. तुम्ही कोणत्याही वयात आपली स्वप्ने पूर्ण करतात. त्यासाठी एकच मार्ग असतो तो म्हणजे मेहनत. जर तुम्ही मेहनत आणि सातत्य ठेवलं तर तुम्हाला नक्कीच यश मिळते. असंच काहीस केरळच्या निसा उन्नीराजन यांनी केलं. त्यांनी आयएएस पदाला गवसणी घातली आहे. त्यांच्यासाठी हा प्रवास सोपा नव्हता. परंतु त्यांनी सातत्याने प्रयत्न सुरु ठेवले. त्याचे फळ म्हणून त्यांना यश मिळाले.

घर अन् नोकरी सांभाळत स्पर्धा परीक्षेची तयारी

केरळच्या निसा उन्नीराजन यांचा यूपीएससी परीक्षा देण्याचा प्रवास सोपा नव्हता. त्यांनी लग्नानंतर यूपीएससी परीक्षा पास केली. त्या दोन मुलींच्या आई होत्या. संसार अन् नोकरी सांभाळत त्यांनी स्पर्धा परीक्षेची तयारी केली. रात्रीच्या शांततेत त्या अभ्यास करायच्या.

निसा यांना ऐकायला कमी येतं. परंतु त्यांनी आपल्या दृष्टीने हे यश मिळवलं आहे. निसा यांचं संपूर्ण कुटुंब त्यांच्या पाठीशी उभे होते.त्यांचे पती आणि सासऱ्यांनी त्यांनी मोलाची साथ दिली. त्यांनी घरातील जबाबदाऱ्या वाटून घेतल्या. त्यांनी परीक्षेची चांगली तयारी करावी यासाठी घरातील कामाला हातभार लावायच्या.

सलग ७ वेळा अपयश तरी हार मानली नाही

निसा यांना यूपीएससी परीक्षेत अनेकदा अपयश आले. त्यांना सात वेळा अपयश आले. परंतु त्यांनी कधीच हार मानली नाही. अखेर २०२४ मध्ये त्यांनी यूपीएससी परीक्षा पास केली. त्या आयएएस अधिकारी झाल्या. त्या आयएएस झाल्या त्यावेळी त्या ४० वर्षांच्या होत्या. स्वप्न पूर्ण करायला कोणतीही मर्यादा नसते, याचे हे उदाहरण आहे.