सध्या सर्वकाही डिजिटल झाले आहे. सर्वजण यूपीआयद्वारे ऑनलाइन पेमेंट करतात. दरम्यान, ऑनलाइन पेमेंट करताना नेहमी सावधगिरी बाळगायची असते. एका लहानश्या चुकीमुळे तुम्हाला अनेक अडचणी येऊ शकतात. अनेकदा तुमचे पैसे चुकीच्या यूपीआय आयडीवर पाठवले जातात. यामुळे पैसे कोणत्या तरी दुसऱ्याच व्यक्तीच्या अकाउंटवर जमा केले जातात. यामुळे अनेक प्रॉब्लेम येऊ शकतात. तुमचे पैसे भलत्याच व्यक्तीला मिळतील. दरम्यान, यावर तोडगा निघाला आहे.

चुकीच्या यूपीआय आयडीवर पैसे गेले असतील तर काय कराल?

जर तुम्ही चुकीच्या यूपीआय आयडीवर पेमेंट केले असेल तर तुम्हाला पैसे मिळू शकतात. त्यासाठी फक्त सिंपल प्रोसेस फॉलो करायची असते. तुमचे यूपीआय ट्रान्झॅक्शन ट्रेस करु शकतात. प्रत्येक ट्रान्झॅक्शनसाठी एक युनिक आयडी असतो. याआधारे बँक चौकशी करते.

सर्वात आधी ट्रान्झॅक्शनची डिटेल्स चेक करा. त्याची तारीख आणि वेळ लक्षात ठेवा. याचसोबत पाठवलेली रक्कम, रिसीवरचे नाव आणि यूपीआय आयडी हे सर्व लक्षात ठेवा. तुमचे पैसे खरंच चुकीच्या खात्यात गेलेत का हे चेक करा. यानंतर यूपीआय अॅपमध्ये तक्रार हा ऑप्शन निवडा. ट्रान्झॅक्शन हिस्ट्री ओपन करा. यानंतर Wrong UPI ID किंवा Sent to wrong person ऑप्शन निवडा.

यानंतर तुमची तक्रार रजिस्टर केली जाईल. यानंतर बँकेला संपर्क करा. कस्टमर केअर किंवा जवळच्या बँकेत जाऊन चौकशी करा. यानंतर सर्व माहिती द्या.

बँक रिसीवरला संपर्क करेल. यानंतर त्यांना घडलेला संपूर्ण प्रकार सांगेल. तुम्ही स्वतः रिसिवरशी बोलून घ्या.यानंतर त्यांना पैसे पाठवण्याची विनवणी करा.अनेकदा पैसे मिळतात परंतु अनेकदा रिसीवर पैसे द्यायला नकार देतात. यासाठी तुम्ही पुढे तक्रार करु शकतात.

पैसे कधीपर्यंत परत मिळतात?

पैसे परत येण्यासाठी कोणताही वेळ निश्चित नसतो. जर रिसीवरच्या मनात असेल तर काही दिवसात पैसे पाठवतील. कधकधी २-४ आठवड्यात पैसे जमा होऊ शकतात.